അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
വേനൽക്കാലമല്ലെ… ശീതളപാനീയം ആശ്വാസത്തിനായി കുടിക്കമെന്ന് കരുതുന്നുവെങ്കിൽ നിങ്ങൾക്ക് തെറ്റി. സോഡ,സ്പോർട്സ് പാനീയങ്ങൾ, എനർജി ഡ്രിങ്കുകൾ, എന്നിവ പതിവായി കുടിക്കുന്നവർക്ക് ഹൃദയ സംബന്ധമായ രോഗങ്ങൾ ഉണ്ടാകാനുള്ള സാധ്യത വളരെ കൂടുതലാണെന്ന് പഠനം. പഞ്ചസാര ചേർത്ത മധുരമുള്ള പാനീയങ്ങൾ ഹൃദയ സംബന്ധമായ അസുഖങ്ങൾക്കുള്ള സാധ്യത ഗണ്യമായി വർദ്ധിപ്പിക്കുന്നു.
അസംസ്കൃത പഞ്ചസാര, ഉയർന്ന ഫ്രക്ടോസ് കോൺ സിറപ്പ്, സുക്രോസ് എന്നിവ ശരീരത്തിൽ അമിതമായി എത്തുന്നത് നമ്മുടെ ആരോഗ്യത്തെ ബാധിച്ചേക്കാം. കൂടുതൽ പഞ്ചസാര അടങ്ങിയ പാനീയങ്ങൾ കുടിക്കുന്ന ആളുകൾക്ക് കൊറോണറി ആർട്ടറി രോഗം, ഹൃദയാഘാതം, പക്ഷാഘാതം അല്ലെങ്കിൽ ഹൃദയസ്തംഭനം പോലുള്ള ഹൃദയ സംബന്ധമായ അസുഖങ്ങൾ ഉണ്ടാകാനുള്ള സാധ്യത 27% കൂടുതലാണെന്നാണ് പഠനങ്ങൽ വ്യക്തമാക്കുന്നത്
സ്ത്രീകളുടെയും പുരുഷന്മാരുടെയും മരണത്തിന് പ്രധാന കരണം ഹൃദ്രോഗമാണെന്ന് പഠനങ്ങൾ പറയുന്നു. അതിനാൽ മധുരപാനീയങ്ങൾ ഒഴിവാക്കുകയോ നിയന്ത്രിക്കുകയോ ചെയ്യണം. മധുര പാനീയങ്ങൾ രക്തത്തിലെ പഞ്ചസാരയുടെയും ഇൻസുലിന്റെയും അളവ് പെട്ടെന്ന് ഉയരാൻ ഇടയാക്കും. ഇത് കാലക്രമേണ ഉപാപചയ പ്രവർത്തനത്തെ ബാധിക്കാം.
ഉയർന്ന പഞ്ചസാര ഉപഭോഗം പൊണ്ണത്തടി, ഇൻസുലിൻ പ്രതിരോധം, ടൈപ്പ് 2 പ്രമേഹം, മെറ്റബോളിക് സിൻഡ്രോം എന്നിവയുമായി ബന്ധപ്പെട്ടിരിക്കുന്നു. ഇവയെല്ലാം ഹൃദയ സംബന്ധമായ അസുഖങ്ങൾക്ക് കാരണമാകുന്ന അപകട ഘടകങ്ങളാണ്. പഞ്ചസാര പാനീയങ്ങൾ പതിവായി കഴിക്കുന്നത് ഉയർന്ന ട്രൈഗ്ലിസറൈഡുകൾ, രക്തസമ്മർദ്ദം, വീക്കം എന്നിവയ്കേകും കാരണമായേക്കാം. ടൂടിനെ പ്രതിരോധിക്കാൻ ഇളനീറ്‍ പോലുള്ള പ്രകൃതിദത്ത പാനീയങ്ങൾ ഡയറ്റിൽ ഉൾപ്പേടുത്താവുന്നതാണ്.
