നല്ല ഉറക്കത്തിന് ഈ ചെടികൾ വെച്ച് പിടിപ്പിക്കൂ..

ഒരാൾ ഒരു ദിവസം 7 മുതൽ 9 മണിക്കൂർ വരെ ഉറങ്ങണം. വേണ്ടത്ര ഉറങ്ങയില്ലെങ്കിൽ പല ആരോ​ഗ്യപ്രശ്നങ്ങളും ഉണ്ടായേക്കാം.കിടപ്പ്മുറിയുടെ ഡിസൈനും അന്തരീക്ഷവും ഉറക്കത്തിനെ ബാധിച്ചേക്കാം.നല്ല രീതിയിലുള്ള ഡിസൈൻ, കിടക്ക, ശരിയായ തോതിലുള്ള ലൈറ്റ്, സമാധാനം നൽകുന്ന അന്തരീക്ഷം, ശുദ്ധവായു തുടങ്ങിയവ ഉണ്ടെങ്കിൽ ഉറക്കം കുശാലാവും. ഇതിന് സഹായിക്കുന്ന ചില ഇൻഡോർ പ്ലാന്റുകളുണ്ട്.
1. ലാവണ്ടർ

ശാന്തത നൽകുന്നതിൽ പേരുകേട്ട ഒന്നാണ് ലാവണ്ടർ. അതിന്റെ മൃദുവായ വെള്ളി നിറത്തിലുള്ള ഇലകളും ഊർജ്ജസ്വലമായ പർപ്പിൾ പൂക്കളും ചുറ്റുപാടിനെ കൂടുതൽ ശാന്തമാക്കുകയും നിങ്ങൾക്ക് നന്നായി ഉറങ്ങാൻ കഴിയുന്ന സാഹചര്യവും ഒരുക്കുന്നു. സൂര്യപ്രകാശം നേരിട്ടടിക്കുന്ന വിധത്തിലാവണം ലാവണ്ടർ വളർത്തേണ്ടത്. ചെറിയ രീതിയിലുള്ള പരിപാലനം മാത്രമാണ് ഇതിന് ആവശ്യം.

2. ഗാർഡേനിയ

സുഗന്ധം നിറഞ്ഞ വെൽവെറ്റ് പോലുള്ള വെളുത്ത പൂക്കളും കടുംപച്ച നിറത്തിലുള്ള ഇലകളും മുറിയിൽ കൂടുതൽ ശാന്തത നൽകുന്നു. ഇത് നന്നായി വിശ്രമിക്കാനും ഉറങ്ങാനും കാരണമാകുന്നു. ചെറിയ തോതിലുള്ള വെളിച്ചമാണ് ഗാർഡേനിയക്ക് ആവശ്യം. നേരിട്ട് സൂര്യപ്രകാശമടിച്ചാൽ ഇലകൾ കരിഞ്ഞുപോയേക്കാം.

3. ഗെർബെറ

ഗെർബെറ പൂക്കൾ അവയുടെ തിളക്കമുള്ള പിങ്ക്, ഓറഞ്ച്, മഞ്ഞ നിറങ്ങളിലുള്ള പൂക്കൾ കൊണ്ട് കിടപ്പുമുറിക്ക് കൂടുതൽ ഭംഗിയും ആകർഷണവും കൂടാതെ വായുവിന്റെ ഗുണനിലവാരം മെച്ചപ്പെടുത്തുകയും ചെയ്യുന്നു. ഇത് വിശ്രമകരമായ ഉറക്കത്തിന് വഴിയൊരുക്കുന്നു. നേരിട്ട് സൂര്യപ്രകാശമടിക്കാത്ത വിധത്തിലാവണം ഇത് വളർത്തേണ്ടത്.