തൂണിലും തുരുമ്പിലുമുണ്ട്: വിലക്കുകൾ മറികടന്ന് പി ജയരാജനായി വീണ്ടും കണ്ണൂരിൽ ഫ്ലക്സ്

കണ്ണൂരിൽ സിപിഐഎം നേതാവ് പി ജയരാജനെ പുകഴ്ത്തി വീണ്ടും ഫ്ലക്സ് ബോർഡുകൾ. ആർ.വി മെട്ട, കാക്കോത്ത് മേഖലയിലാണ് ഫ്ലക്സ് ബോർഡുകൾ പ്രത്യക്ഷപ്പെട്ടത്.”റെഡ് യങ്” എന്ന കൂട്ടായ്മയുടെ പേരിലാണ് ഫ്ലക്സ് പ്രത്യക്ഷപ്പെട്ടത്. തൂണിലും “തുരുമ്പിലും ദൈവമുണ്ടെന്ന് പറയുന്നതുപോലെ ഈ മണ്ണിലും ജനമനസിലും എന്നെന്നും നിറഞ്ഞുനില്‍ക്കും ഈ സഖാവ്” എന്നാണ് വാചകം.
പാർട്ടി കോൺഗ്രസ് കഴിഞ്ഞ് പി ജയരാജൻ ഇന്ന് നാട്ടിലേക്ക് മടങ്ങാനിരിക്കെയാണ്ഫ്ലക്സ് ബോർഡുകൾ സ്ഥാപിച്ചത്.പി.ജയരാജനെ ഇത്തവണ കേന്ദ്ര കമ്മിറ്റിയിൽ‌ ഉൾപ്പെടുത്തുമെന്ന് അഭ്യഹമുണ്ടായിരുന്നു.എന്നാൽ കേന്ദ്ര കമ്മിറ്റിയിലും സംസ്ഥാന സെക്രട്ടേറിയറ്റിലും ഉള്‍പ്പെടുത്താത്തതിലെ പ്രതിഷേധമായാണ് ഈ ഫ്ലക്സ് സ്ഥാപിച്ചതെന്നാണ് സൂചന. അതേസമയം,വ്യക്തി കേന്ദ്രീകൃതമായ പ്രചാരണങ്ങൾ സിപിഎം വിലക്കിയിരുന്നു.