അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു വെറൈറ്റി പുഡ്ഡിംഗ് റെസിപ്പി നോക്കിയാലോ? എന്നും തയ്യാറാക്കാറുള്ള പുഡിങിൽ നിന്നും അല്പം വ്യത്യസ്തമായി ഒരു പുഡ്ഡിംഗ്. കപ്പ വെച്ച് തയ്യാറാക്കാവുന്ന ഒരു പുഡ്ഡിംഗ്.
ആവശ്യമായ ചേരുവകൾ
- കപ്പ- 250 ഗ്രാം
- പാൽ- 1/2 ലിറ്റർ
- പഞ്ചസാര- 3/4 കപ്പ്
- പാൽപ്പൊടി- 4 ടീസ്പൂൺ
- ചൈനാഗ്രാസ്- 20 ഗ്രാം
- വാനില എസെൻസ്- 3 തുള്ളി
- പിസ്ത- ആവശ്യത്തിന്
തയ്യാറാക്കുന്ന വിധം
കപ്പ ഗ്രേറ്റ് ചെയ്തെടുക്കുക. വളരെ കട്ടി കുറച്ച് തരികളായിരിക്കുന്നത് പുഡ്ഡിംഗിന് ഫ്ലേവർ നൽകുന്നതിന് സഹായിക്കും. ഒരു പാത്രത്തിൽ കപ്പ വേവിക്കാൻ വെക്കുക. അതിലേയ്ക്ക് പഞ്ചസാര ചേർത്ത പാലൊഴിച്ച് കൊടുക്കാം. നന്നായി വെന്ത് വരുമ്പോൾ പാൽപ്പൊടി വെള്ളത്തിൽ കലക്കിയതു ചേർത്തിളക്കി കുറിക്കിയെടുക്കാം. ഇതേ സമയം കുറച്ച് വെള്ളത്തിൽ ചൈനാഗ്രാസ് ചേർത്ത് അലിയിച്ചെടുക്കാം. കുറുകി വരുന്ന കപ്പയിലേയ്ക്ക് ചൈനാഗ്രാസ് ചേർത്ത് ഇളക്കി യോജിപ്പിക്കാം. ഇതിലേയ്ക്ക് വാനില എസെൻസ് കൂടി ചേർത്ത് അടുപ്പണച്ച് മാറ്റി വെയ്ക്കാം. അൽപം ചൂടാറിയതിനു ശേഷം ഫ്രിഡ്ജിൽ വെച്ച് തണുപ്പിക്കാം. മുകളിൽ പിസ്ത് നുറുക്കിയതു ചേർത്ത് വിളമ്പാം.
