അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വിദ്യാഭ്യസ, തൊഴിൽ മന്ത്രി വി ശിവൻകുട്ടിയുമായി കൂടിക്കാഴ്ച നടത്തി ആശാ സമര സമിതി പ്രവർത്തകർ. ഓണറേറിയം വർധന അംഗീകരിക്കണം എന്ന ആവശ്യമാണ് പ്രവർത്തകർ മന്ത്രിക്കു മുമ്പിൽ ഉന്നയിച്ചത്. സംഘടനാ പ്രതിനിധികൾ മന്ത്രിയുടെ ഓഫീസിലെത്തിയാണ് ചർച്ച നടത്തിയത്. ആരോഗ്യമന്ത്രിയുമായി സംസാരിക്കാമെന്ന് തൊഴിൽ മന്ത്രി വി ശിവൻകുട്ടി ഉറപ്പ് നൽകിയതായി സമരസമിതി പ്രവർത്തകർ ചർച്ചയ്ക്ക് ശേഷം വ്യക്തമാക്കി.
അതേ സമയം സെക്രട്ടറിയേറ്റിന് മുന്നിൽ ആശാപ്രവർത്തകരുടെ രാപ്പകൽസമരം 57ാം ദിവസവും തുടരുകയാണ്. വേതന വർധന പ്രഖ്യാപിച്ചാൽ മാത്രം സമരം അവസാനിപ്പിക്കുകയുള്ളു എന്ന് ആശാ സമര സമിതി പ്രവർത്തകർ പറഞ്ഞു. തൊഴിൽ മന്ത്രി വി ശിവൻകുട്ടിക്ക് ആശാ പ്രവർത്തകർ നിവേദനം നൽകിയിട്ടുണ്ട്.
STORY HIGHLIGHT : ASHA WORKER’S PROTEST
