അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചേരുവകൾ
നെയ്മീൻ : അരക്കിലോ
കുരുമുളകുപൊടി : ഒരു ടീസ്പൂൺ
മഞ്ഞൾപ്പൊടി : കാൽ ടീസ്പൂൺ
ചുവന്നുള്ളി : അരക്കപ്പ്
ഇഞ്ചി : ഒരുകഷണം
പച്ചമുളക് : മൂന്നെണ്ണം
കറിവേപ്പില : ഒരു തണ്ട്
മുളകുപൊടി : ഒരു ടീസ്പൂൺ
ഗരംമസാലപ്പൊടി : ഒരു ടീസ്പൂൺ
ഉരുളക്കിഴങ്ങ് : ഇടത്തരം
മൂന്ന് എണ്ണം
മുട്ടയുടെ വെള്ള : മൂന്ന്
റൊട്ടിപ്പൊടി : ആവശ്യത്തിന്
എണ്ണ : ആവശ്യത്തിന്
തയ്യാറാക്കുന്ന വിധം:
മീൻകഷണങ്ങളിലേക്ക് കുരുമുളകുപൊടി, മുളകുപൊടി, മഞ്ഞൾപൊടി, ഉപ്പ് എന്നിവ ചേർത്ത് പുഴുങ്ങിയെടുക്കുക. ചുവന്നുള്ളി, ഇഞ്ചി, പച്ചമുളക്, കറിവേപ്പില എന്നിവ നന്നായി വഴറ്റിയെടുക്കുക. ഉരുളക്കിഴങ്ങ് പുഴുങ്ങിപ്പൊടിച്ച് ഇതിലേക്ക് ചേർക്കുക. ഗരം മസാലപ്പൊടി ചേർത്തിളക്കി ഒന്നുകൂടി വഴറ്റിയെടുക്കാം. മീൻ കഷണങ്ങൾ കൈകൊണ്ട് ഞെരടി, കിഴങ്ങുകൂട്ടിലേക്കിട്ട് യോജിപ്പിച്ച് ചെറിയ ഉരുളകളാക്കിയെടുത്ത് കട്ലറ്റിന്റെ ആകൃതിയിൽ പരത്തി, മുട്ടയിൽ മുക്കി റൊട്ടിപ്പൊടിയിൽ പൊതിഞ്ഞ് എണ്ണയിൽവറുത്തുകോരുക.
