അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മനുഷ്യർക്ക് കാണാനും ആസ്വദിക്കാനുമൊക്കെയായി ഒട്ടനവധി അപൂർവ്വ കാഴ്ചകളാണ് ഈ ഭൂമിയിലുള്ളത്. അത്തരത്തിൽ ഒരു അപൂർവ്വ കാഴ്ചയാണ് കന്യാകുമാരിയിലെ സൂര്യോദയം. ഈ കാഴ്ച ഒരിക്കല്ലെങ്കിലും കണ്ടില്ലെങ്കിൽ ജീവിതത്തിലെ തന്നെ ഏറ്റവും വലിയ നഷ്ടമാണെന്ന് തോന്നിപ്പിക്കുന്ന അത്ര വിസ്മയമാണ് ഇത്. മൂന്ന് സമുദ്രങ്ങൾ ചേരുന്നിടത്ത് നിന്ന് സൂര്യൻ ഉദിച്ചുയരും.
സൂര്യ രശ്മിയുടെ ചുവന്ന കിരണങ്ങൾ സമുദ്രത്തിലും പിന്നീട് തീരത്തും തീർക്കുന്ന അതിമനോഹരമായ ദൃശ്യവിരുന്ന്. തിരുവനന്തപുരം ജില്ലയിൽ നിന്നും ഒരു ദിവസം കൊണ്ട് പോയി വരാൻ പറ്റിയ ഒരു ഇടമാണ് കന്യാകുമാരി. ഒരേ മനസ്സോടെ ഈ കാഴ്ച കാണാൻ എത്തുന്ന പേരറിയാത്ത, നാട് അറിയാത്ത ഒരുപാട് സഞ്ചാരികൾ. അവരിൽ ഒരാളായി നിൽക്കുമ്പോൾ നമ്മളും കന്യാകുമാരിയിലെ സൂര്യോദയം അനുഭവിക്കുകയാണ്.
പണ്ട് കേരളത്തിന്റെ ഭാഗമായിരുന്ന കന്യാകുമാരി ഇന്ന് തമിഴ്നാടിന് സ്വന്തമാണ്. കന്യാകുമാരിയിലേക്കുള്ള യാത്ര സമ്മാനിക്കുന്നത് റോഡ് മാർഗ്ഗം ആണെങ്കിലും ട്രെയിൻ മാർഗ്ഗം ആണെങ്കിലും അതിമനോഹരമായ ദൃശ്യ ഭംഗി തന്നെയാണ്. തമിഴ്നാട് ഗ്രാമങ്ങളും ജീവിതശൈലിയും ഒക്കെ യാത്രയിൽ മിന്നിമറയും. ഇവിടെ അസ്തമയത്തേക്കാൾ ഉദയമാണ് കൂടുതൽ ഭംഗി എന്ന് പറയേണ്ടിവരും. വിവേകാനന്ദപ്പാറയും തിരുവള്ളുവരുടെ പ്രതിമയും കന്യാകുമാരിയമ്മൻ ക്ഷേത്രവും ഒക്കെ യാത്രയിൽ സന്ദർശിക്കാം.
STORY HIGHLIGHTS : one-day-trip-to-kanyakumari-from-trivandrum
