അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചക്ക സീസൺ ആയതുകൊണ്ട് ചക്ക ഉണ്ടാകുമല്ലോ? ഇന്ന് ചക്ക വെച്ച് ഒരു കിടിലൻ ഐറ്റം ഉണ്ടാക്കിയാലോ?വളരെ രുചികരമായി തയ്യാറാക്കാവുന്ന ചക്കപ്പഴം പൊരിച്ചത്.
ആവശ്യമായ ചേരുവകൾ
- ചക്കപ്പഴം 10 ചുളകൾ
- ഗോതമ്പ് പൊടി 1/2 കപ്പ്‌
- പഞ്ചസാര 1/4 കപ്പ്‌
- ഏലയ്ക്ക പൊടി 1 ടീസ്പൂൺ
- ജീരകപ്പൊടി 1 ടീസ്പൂൺ
- മഞ്ഞൾ പൊടി 1/2 ടീസ്പൂൺ
- വെളിച്ചെണ്ണ ആവശ്യത്തിന്
- ഉപ്പ് ഒരു നുള്ള്
- കരീംജീരകം 1 ടീസ്പൂൺ
തയ്യാറുക്കുന്ന വിധം
ഗോതമ്പ് മാവ് ആവശ്യത്തിന് വെള്ളവും ഉപ്പും ചേർത്ത് ദോശ മാവിന്റെ പരുവത്തിൽ യോജിപ്പിച്ചെടുക്കുക. പിന്നീട് ഇതിലേക്ക് കരീംജീരകം, ഏലയ്ക്ക പൊടി, ജീരക പൊടി, മഞ്ഞൾ പൊടി, പഞ്ചസാര, കുരു കളഞ്ഞ ചക്ക ചുളകൾ എന്നിവയൊക്കെ ചേർത്ത് നല്ലതുപോലെ കൈ വെച്ച് യോജിപ്പിച്ച് അരമണിക്കൂർ മാറ്റി വെയ്ക്കുക. പിന്നീട് ഒരു പാനിൽ വെളിച്ചെണ്ണയൊഴിച്ചു ചക്ക ചുളകൾ ഓരോന്നായി മുക്കി പൊരിക്കുക. ഇനി കഴിച്ചോളൂ ചക്കപ്പഴം പൊരിച്ചത്.
