അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ചൈനയുടെ പുതിയ വിസ്മയം ഹുവാജിയാങ് ഗ്രാൻഡ് കാന്യൺ പാലത്തിന്റെ നിർമ്മാണം അവസാന ഘട്ടത്തിൽ. ജൂണിൽ പാലം തുറന്നുകൊടുക്കുമെന്നാണ് റിപ്പോർട്ട്. മലയിടുക്കിന് കുറുകെ 2.8 കിലോമീറ്റർ നീളത്തിലുള്ള കൂറ്റൻ പാലമാണ് ഹുവാജിയാങ് ഗ്രാൻഡ് കാന്യൺ.പാലം തുറക്കുന്നതോടെ ലോകത്തെ ഏറ്റവും ഉയരത്തിൽ സ്ഥിതി ചെയ്യുന്ന പാലമെന്ന റെക്കോർഡിന് അർഹമാകും. 216 ദശലക്ഷം പൗണ്ട് (2400 കോടി രൂപ) ചെലവ് വരുന്ന ഈ പദ്ധതി യാത്രാ സമയം ഒരു മണിക്കൂറിൽ നിന്ന് ഒരു മിനിറ്റായി കുറക്കുമെന്നാണ് പ്രധാന നേട്ടം. ഈഫൽ ടവറിനേക്കാൾ 200 മീറ്ററിലധികം ഉയരവും മൂന്നിരട്ടി ഭാരവുമുള്ള ഈ പാലം ചൈനയുടെ എൻജിനീയറിങ് വൈദഗ്ധ്യത്തെ പ്രതിനിധീകരിക്കുന്നു.
പാലത്തിന്റെ സ്റ്റീൽ ട്രസ്സുകൾക്ക് ഏകദേശം 22,000 മെട്രിക് ടൺ ഭാരമുണ്ട്. മൂന്ന് ഐഫൽ ടവറുകൾക്ക് തുല്യമാണ് ഈ ഭാരം. വെറും രണ്ട് മാസത്തിനുള്ളിലാണ് പാലം നിർമിച്ചതെന്ന പ്രത്യേകതയുണ്ട്. ചീഫ് എഞ്ചിനീയർ ലി ഷാവോയാണ് നിർമാണത്തിന് മേൽനോട്ടം വഹിച്ചത്.
ചൈനയിലെഗ്രാമപ്രദേശങ്ങളെ ബന്ധിപ്പിക്കുന്നതോടൊപ്പം വിനോദസഞ്ചാര ആകർഷണവും പാലത്തിന്റെ ലക്ഷ്യമാണ്. വിശ്രമകേന്ദ്രങ്ങൾ, ഗ്ലാസ് വാക്ക്വേ, ലോകത്തിലെ ഏറ്റവും ഉയരം കൂടിയ ബംഗീ ജമ്പ് എന്നിവയും പാലത്തിൽ തയ്യാറാക്കും. 2016 ൽ, ചൈനയിലെ ഏറ്റവും ഉയരം കൂടിയ പാലം (1,854 അടി) ബെയ്പാൻജിയാങ്ങിൽ നിർമ്മിച്ചിരുന്നു.
ഉദ്ഘാടനത്തോടെ ഈ പാലം ലോക റെക്കോര്ഡ് തകര്ക്കാന് ഒരുങ്ങുകയാണ്. നിലവില് ലോകത്തിലെ ഏറ്റവും ഉയരം കൂടിയ പാലം എന്ന പദവി ചൈനയ്ക്കാണ്. മലനിരകള് നിറഞ്ഞ തെക്കുപടിഞ്ഞാറന് മേഖലയിലെ യുനാന്, ഗുയ്ഷു പ്രവിശ്യകളെ തമ്മില് ബന്ധിപ്പിക്കുന്ന ബെയ്പാന്ഷിയാങ് പാലമാണ് ലോകത്തിലെ ഏറ്റവും ഉയരം കൂടിയ പാലം.
നിലവില്, വലിയ താഴ്വര കടക്കാന് കുറഞ്ഞത് ഒരു മണിക്കൂറെങ്കിലും ചെലവഴിക്കേണ്ടതുണ്ട്, എന്നാല് ഈ പാലം ജനങ്ങള്ക്ക് തുറന്നുകൊടുത്തുകഴിഞ്ഞാല്, ഈ ദൂരം വെറും 2 മുതല് 3 മിനിറ്റ് വരെയായി കുറയും. 292 മില്യണ് ഡോളര് ചെലവില് നിര്മ്മിക്കുന്ന ഈ പാലത്തിന്റെ നിര്മ്മാണം 2022 ലാണ് ആരംഭിച്ചത്. വെറും മൂന്ന് വര്ഷത്തിനുള്ളില് പാലത്തിന്റെ നിര്മ്മാണം ഏതാണ്ട് പൂര്ത്തിയായി .
