അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചെറുപയർ കറി ഇനി ഇതുപോലെ ട്രൈ ചെയ്തുനോക്കൂ.. പുട്ടിനും ചപ്പാത്തിക്കുമെല്ലാം കൂടെ കഴിക്കാൻ യുഗാരം സ്വാദാണ്.
ആവശ്യമായ ചേരുവകൾ
- ചെറുപയര്‍
- തക്കാളി
- സവാള
- കടുക്
- ജീരകം
- കറിവേപ്പില
- വെളുത്തുള്ളി
- മുളകുപൊടി
- മഞ്ഞള്‍പൊടി
- ഉപ്പ്
തയ്യാറാക്കുന്ന വിധം
ആദ്യം തന്നെ കറിയിലേക്ക് ആവശ്യമായ ചെറുപയറും, ഉപ്പും ഒരു തക്കാളി മുറിച്ചതും മഞ്ഞള്‍പ്പൊടിയും കൂടി കുക്കറിലിട്ട് അഞ്ച് വിസില്‍ വരുന്നത് വരെ അടിപ്പിച്ച് എടുക്കുക. വിസില്‍ പോയി കഴിയുമ്പോള്‍ കുക്കര്‍ തുറന്ന് ചെറുപയര്‍ ഒരു തവി ഉപയോഗിച്ച് നല്ലതുപോലെ ഉടച്ച് പേസ്റ്റ് രൂപത്തില്‍ ആക്കി വയ്ക്കുക. ശേഷം ഒരു പാന്‍ അടുപ്പത്ത് വെച്ച് ചൂടായി വരുമ്പോള്‍ അതിലേക്ക് എണ്ണയൊഴിച്ച് കൊടുക്കുക.
എണ്ണ ചൂടായി തുടങ്ങുമ്പോള്‍ കടുകും ജീരകവും ഇട്ട് പൊട്ടിക്കുക. ശേഷം കറിവേപ്പിലയും സവാളയും ഇട്ട് നല്ലതുപോലെ വഴറ്റി എടുക്കുക. ഈയൊരു സമയത്ത് തന്നെ കറിയുടെ എരുവിന് ആവശ്യമായ മുളകുപൊടി കൂടി ചേര്‍ത്ത് പച്ചമണം പോകുന്നത് വരെ നല്ലതുപോലെ വഴറ്റിയെടുക്കുക. ശേഷം തയ്യാറാക്കി വെച്ച ചെറുപയറിന്റെ കൂട്ടുകൂടി അതിലേക്ക് ചേര്‍ത്ത് നല്ലതുപോലെ ഇളക്കി മിക്‌സ് ചെയ്യുക. ഈയൊരു സമയത്ത് തന്നെ കറിയിലേക്ക് ആവശ്യമായ വെള്ളം കൂടി ഒഴിച്ചു കൊടുത്ത് നന്നായി തിളപ്പിക്കാവുന്നതാണ്.
