ക്രിക്കറ്റ് മത്സരങ്ങളിൽ ഫിനിഷിംഗ് അത് ധോണിയുടേത് തന്നെയാണ് എന്നുള്ളതാണ് പൊതുവെയുള്ള അഭിപ്രായം. ഇന്നെല നടന്ന ലഖ്നൗ സൂപ്പര്‍ ജയന്റ്സിനെതിരായ മത്സരത്തിൽ ഒറ്റക്കെയിൽ സിക്സ് പറത്തുന്ന എം.എസിന്റെ വീഡിയോ സമൂഹ മാധ്യമങ്ങളിൽ വൈറലാണ്. സീസണില്‍ അഞ്ച് മത്സരങ്ങളിലെ തുടര്‍ച്ചയായ തോല്‍വിക്ക് പിന്നാലെയാണ് ധോണിയുടെ ഫിനീഷിങ് മികവില്‍ ടീം ജയം നേടുന്നത്.
മത്സരത്തില്‍ 11 പന്തില്‍ നാലു ഫോറും ഒരു സിക്സും സഹിതം പുറത്താകാതെ 26 റണ്‍സെടുത്ത ധോണി പുറത്താകാതെ നിന്നു. ആദ്യം ആവേശ് ഖാന്റെ ഓവറില്‍ രണ്ട് ബൗണ്ടറികള്‍ പായിച്ചു ധോണി. 17-ാം ഓവറില്‍ ഷാര്‍ദുല്‍ താക്കൂറിന്റെ പന്തിലാണ് ധോണിമിഡ് വിക്കറ്റിന് മുകളിലൂടെ ഒറ്റക്കൈ കൊണ്ട് സിക്സ് പായിച്ചത്. ധോണിയുടെ ഇന്നിങ്‌സിലെ ഒരേ ഒരു സിക്സ് ആയിരുന്നു അതെങ്കിലും ധോണി സ്‌റ്റൈല്‍ സിക്സ് എന്ന നിലയില്‍ ആരാധകര്‍ ഏറ്റെടുത്തു.
കളിയിലെ താരമായി തെരഞ്ഞെടുക്കപ്പെട്ടതില്‍ താന്‍ അത്ഭുതപ്പെട്ടെന്ന് ധോണി മത്സര ശേഷം പറഞ്ഞു. 2019 മാര്‍ച്ച് 31 ന് രാജസ്ഥാന്‍ റോയല്‍സിനെതിരായ മത്സരത്തില്‍ 75 റണ്‍സ് നേടിയപ്പോഴാണ് ധോണി അവസാനമായി പ്ലെയര്‍ ഓഫ് ദി മാച്ച് അവാര്‍ഡ് നേടിയത്. ഐപിഎല്ലില്‍ ധോണിയുടെ 18-ാമത്തെ പ്ലെയര്‍ ഓഫ് ദി മാച്ച് അവാര്‍ഡാണിത്.
content highlight: M S Dhoni