അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടിപ്പട്ടാളത്തിന് വേനലവധിക്കു കറുമുറാ കഴിക്കാൻ ജാം കുക്കീസ്
ചേരുവകൾ
ബട്ടർ – 160 ഗ്രാം
പൊടിച്ച പഞ്ചസാര – 50 ഗ്രാം
മുട്ടയുടെ മഞ്ഞ – 1
വനില എസൻസ് – 1/2 ടീസ്പൂൺ
ഉപ്പ് – 1/4 ടീസ്പൂൺ
മൈദ – 220 ഗ്രാം
ജാം – ആവശ്യത്തിന്
തയ്യാറാക്കുന്ന വിധം
ബട്ടറും പൊടിച്ച പഞ്ചസാരയും നന്നായി യോജിപ്പിച്ച് അതിലേക്ക് മുട്ടയുടെ മഞ്ഞ, എസൻസ്, ഉപ്പ് എന്നിവ ചേർത്ത് യോജിപ്പിക്കുക. അതിലേക്ക് മൈദ ചേർത്ത് ഇളക്കിയശേഷം കൈകൊണ്ട് രണ്ടുമിനിറ്റ് കുഴച്ച് മാവാക്കി എടുക്കാം. ഇത് 20 മിനിറ്റ് ഫ്രിജിൽ വയ്ക്കാം. പിന്നെ മാവ് ചെറിയ ഉരുളകളാക്കി ഒരു ട്രേയിൽ നിരത്തിവയ്ക്കാം.
ഓരോ ഉരുളയിലും തള്ളവിരൽ കൊണ്ട് ഒരു ചെറിയ കുഴി ഉണ്ടാക്കി (ഇത് ഒരു സ്പൂൺ കൊണ്ടും ചെയ്യാം) അതിൽ ഇഷ്ടമുള്ള ജാം നിറയ്ക്കാം. അതിനുശേഷം 170 ഡിഗ്രി ചൂടിൽ പ്രീഹീറ്റ് ആയി കിടക്കുന്ന ഓവനിൽ 15 മുതൽ 20 മിനിറ്റ് വരെ ബേക്ക് ചെയ്തെടുക്കാം. ജാം കുക്കീസ് തയാറായിക്കഴിഞ്ഞു.
content highlight: healthy-and-sweet-jam-cookies
