മണല്‍ അടിഞ്ഞു കൂടിയ മുതലപ്പൊഴിയില്‍ പ്രതിഷേധവുമായി മത്സ്യത്തൊഴിലാളികള്‍. ഡ്രഡ്ജിംഗ് കാര്യക്ഷമമാക്കാതെ പൊഴി മുറിക്കാന്‍ അനുവദിക്കില്ലെന്ന് തൊഴിലാളികള്‍ പറഞ്ഞു.
പൊഴി മുറിക്കാന്‍ എത്തിയ ഉദ്യോഗസ്ഥരെ മത്സ്യത്തൊഴിലാളികള്‍ തടഞ്ഞു. പോലീസ് സ്ഥലത്തെത്തി. ഹാര്‍ബര്‍ എഞ്ചിനിയറിംഗ് അസിസ്റ്റന്റ് എക്‌സിക്യൂട്ടീവ് എഞ്ചിനിയര്‍ സമരക്കാരുമായി ചര്‍ച്ച നടത്തും.
മണല്‍ അടിഞ്ഞ് കൂടി മുതലപ്പൊഴിയില്‍ മത്സ്യബന്ധനം നടക്കാത്ത സാഹചര്യത്തിലാണ് മത്സ്യത്തൊഴിലാളികള്‍ സമരം ആരംഭിച്ചത്. സര്‍ക്കാര്‍ മത്സ്യത്തൊഴിലാളികളുമായി നടത്തിയ ചര്‍ച്ചയിലാണ് ഡ്രഡ്ജിംഗ് വേഗത്തിലാക്കാന്‍ തീരുമാനിച്ചത്.