കൂളാകാൻ എളുപ്പത്തിലൊരു ഓറഞ്ച് ഷേക്ക് ആയാലോ?

ഈ ചൂടിൽ ഒന്ന് കൂളാകാൻ ഒരു ഓറഞ്ച് ഷേക്ക് ആയാലോ? വളരെ എളുപ്പത്തിൽ തയ്യാറാക്കാവുന്ന ഒരു റെസിപ്പി.

ആവശ്യമായ ചേരുവകൾ

• ഓറഞ്ച് – 3 എണ്ണം കുരുക്കളഞ്ഞ് അല്ലികളായി എടുത്തത്
• തണുത്ത പാൽ – 100 മില്ലി
• ഐസ് കട്ടകൾ – 6 എണ്ണം
• പഞ്ചസാര – 30 ഗ്രാം
• ഐസ് ക്രീം – ഒരു സ്കൂപ്പ്

തയാറാക്കുന്ന വിധം

ഒരു മിക്സിയുടെ ജാറിലേക്കു ഓറഞ്ച്, പാൽ, പഞ്ചസാര, ഐസ് ക്യൂബ്സ് എന്നിവ ചേർത്തു നന്നായി അടിച്ചെടുത്തു അരിച്ചു മാറ്റാം. അരിച്ചെടുത്ത ജ്യൂസ് ഗ്ലാസിലേക്ക് ഒഴിച്ച് മീതെ ഐസ്ക്രീം സ്കൂപ് കൊണ്ട് അലങ്കരിക്കാം.