മലയാളികളെ സംബന്ധിച്ചിടത്തോളം ചോറ് കഴിക്കാത്ത ഒരു ദിവസത്തെപ്പറ്റി ആലോചിക്കാൻ പോലും വയ്യ. എത്ര ഡയറ്റ് എടുത്താലും ഒരു നേരമെങ്കിലും ചോറ് ഉൾപ്പെടുത്താൻ ആളുകൾ ശ്രമിക്കും. പലതരത്തിലുള്ള ചോറ് ലഭ്യമാണ്. അതായത് പലതരത്തിലുള്ള അരികൾ വിപണിയിൽ ലഭ്യമാണ്. ഓരോരുത്തരും ഓരോതരം അരിയുടെ ആരാധകരാണ്. അക്കൂട്ടത്തിൽ വൈറ്റ് റൈസ് ഇഷ്ടപ്പെടുന്നവർക്ക് വേണ്ടിയുള്ള ഒരു ടിപ്പാണ് ഇനി പറയാൻ പോകുന്നത്.
എപ്പോഴും ഒരേ രീതിയിൽ വൈറ്റ് റൈസ് തയ്യാറാക്കി കഴിക്കുമ്പോൾ മടുപ്പ് തോന്നാറില്ലേ? എന്നാൽ ഇനി നമുക്ക് വൈറ്റ് റൈസിന് കിടിലൻ മേക്ക് ഓവർ നൽകാം.
വൈറ്റ് റൈസ് തേങ്ങാപ്പാലില്‍ വേവിച്ചാല്‍ അതിന് പ്രത്യേക സ്വാദാണ്. ഇതും പ്ലെയിൻ റൈസ് കഴിച്ച് വിരസത തോന്നുമ്പോള്‍ പരീക്ഷിക്കാവുന്നതാണ്.
വൈറ്റ് റൈസ് വേവിച്ച ശേഷം ഒരു പാനില്‍ വെളിച്ചെണ്ണ ചൂടാക്കി കടുകും കറിവേപ്പിലയും ചുവന്ന മുളകും പച്ചമുളകും ചേര്‍ത്ത് താളിച്ചെടുത്ത് ചോറ് ഇതില്‍ ചേര്‍ത്തിളക്കിയെടുത്താലും നല്ല സ്വാദാണ്. വെളിച്ചെണ്ണയ്ക്ക് പകരം നെയ്യും ഉപയോഗിക്കാവുന്നതാണ്.
വൈറ്റ് റൈസ് വേവിക്കുന്നതിനൊപ്പം തന്നെ എന്തെങ്കിലും പച്ചക്കറികള്‍ മുറിച്ചിട്ട് അതും ഒരുമിച്ച് വേവിക്കാം. ശേഷം കടുകും കറിവേപ്പിലയും ഉണക്കമുളകും അല്‍പം ഉള്ളിയും വെളിച്ചെണ്ണയില്‍ താളിച്ചെടുത്ത് ചേര്‍ത്താല്‍ ചോറിന് പിന്നെ വേറെ കറികളൊന്നും വേണ്ട.
വെജിറ്റബിള്‍ സ്റ്റോക്ക് അഥവാ പച്ചക്കറികള്‍ വേവിച്ചതിന്‍റെ നീരുപയോഗിച്ച് വൈറ്റ് റൈസ് വേവിക്കാം. ഇത് ആരോഗ്യത്തിനും നല്ലതാണ്, ഒപ്പം തന്നെ രുചിയും ൂട്ടും.
വൈറ്റ് റൈസ് ബാക്കിയുള്ളതൊക്കെയാണെങ്കില്‍ ഇത് ആവി കയറ്റി എടുക്കുന്ന കൂട്ടത്തില്‍ അല്‍പം ചിക്കൻ (ഫ്രൈ ചെയ്തതോ റോസ്റ്റ് ചെയ്തതോ) കൂടി ചേര്‍ത്താല്‍ അത് നല്ല ഫ്ളേവറില്‍ കഴിക്കാം. വേറെ കറികളൊന്നും വേണ്ട. സലാഡോ മറ്റോ മാത്രം മതിയാകും.
ചെറുനാരങ്ങാനീര് ചേര്‍ക്കുന്നതും വൈറ്റ്റൈസില്‍ പെട്ടെന്ന് ഫ്ലേവര്‍ മാറ്റം വരുത്തും. അല്‍പം ഉപ്പും ചെറുനാരങ്ങാനീരും ആവശ്യമെങ്കില്‍ വെളിച്ചെണ്ണയും ചേര്‍ക്കാം. ഇതിലേക്ക് തന്നെ അല്‍പം സ്പൈസസ് വേണമെങ്കില്‍ അതും ചേര്‍ക്കാം. ലെമൺ റൈസും വൈറ്റ് റൈസ് കൊണ്ട് എളുപ്പത്തില്‍ ചെയ്തെടുക്കാവുന്നതാണ്.
content highlight: white-rice-more-tasty-and-healthy