ആരോഗ്യ ഗുണങ്ങൾ ഏറെയുള്ള ഒരു കാരറ്റ് ജ്യൂസ് റെസിപ്പി നോക്കിയാലോ? വളരെ എളുപ്പത്തിൽ തയ്യാറാക്കാവുന്ന ഒരു കാരറ്റ് ജ്യൂസ് റെസിപ്പി നോക്കാം.
ആവശ്യമായ ചേരുവകള്‍
തയ്യാറാക്കുന്ന വിധം
ആദ്യമായി മീഡിയം വലിപ്പമുള്ള ഒന്നര ക്യാരറ്റ് തൊലിയെല്ലാം കളഞ്ഞ് ചെറിയ കഷണങ്ങളാക്കി മുറിച്ചെടുത്ത ശേഷം കുക്കറിലിട്ട് ഒറ്റ വിസിലില്‍ വേവിച്ചെടുക്കണം. വേവിച്ചെടുത്ത ക്യാരറ്റ് കഷണങ്ങള്‍ ഒരു മിക്‌സിയുടെ ജാറിലേക്ക്കിട്ട് അതിലേക്ക് കാല്‍ കപ്പ് പാലും രണ്ട് ടേബിള്‍ സ്പൂണ്‍ കണ്ടന്‍സ്ഡ് മില്‍ക്കും അല്ലെങ്കില്‍ ഒന്നര ടേബിള്‍ സ്പൂണ്‍ പഞ്ചസാരയും കൂടെ ചേര്‍ത്ത് നല്ല പേസ്റ്റ് രൂപത്തില്‍ അടിച്ചെടുക്കാം. അടുത്തതായി ഒരു ബൗളിലേക്ക് ഒന്നര ടേബിള്‍സ്പൂണ്‍ കസ്റ്റാര്‍ഡ് പൗഡര്‍ കാല്‍ കപ്പ് പാലും കൂടെ ചേര്‍ത്ത് ഒട്ടും കട്ടകളില്ലാത്ത രീതിയില്‍ നല്ലപോലെ മിക്‌സ് ചെയ്‌തെടുക്കാം.
അടുത്തതായി ഒരു പാനിലേക്ക് മൂന്നര കപ്പ് പാല്‍ ചേര്‍ത്ത് അടുപ്പില്‍ വെച്ച് ഇളക്കി ഒന്ന് ചൂടായി വരുമ്പോള്‍ ഇതിലേക്ക് അര കപ്പ് പഞ്ചസാരയും കൂടെ നേരത്തെ തയ്യാറാക്കിയ കസ്റ്റാര്‍ഡ് പൗഡറിന്റെ മിക്‌സ് ഒന്ന് ഇളക്കിയ ശേഷം ഒഴിച്ച് കൊടുക്കാം. ശേഷം ഒരു മീഡിയം മുതല്‍ കുറഞ്ഞ തീയില്‍ ഇട്ട് പത്തോ പതിനഞ്ചോ മിനിറ്റ് ഇളക്കി കുറച്ച് കുറുക്കിയെടുക്കണം. അടുത്തതായി ഇതിലേക്ക് നേരത്തെ തയ്യാറാക്കി വെച്ച ക്യാരറ്റിന്റെ മികച്ച കൂടെ ചേര്‍ത്ത് ഒന്നോ രണ്ടോ മിനിറ്റ് ഇളക്കി കൊടുക്കാം.