ഒരു ഈസി ആൻഡ് ടേസ്റ്റി സാന്‍ഡ്വിച്ച് റെസിപ്പി നോക്കിയാലോ? വളരെ എളുപ്പത്തിൽ തയ്യാറാക്കാവുന്ന ഒരു സാന്‍ഡ്വിച്ച്. കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു ഐറ്റം.
ആവശ്യമായ ചേരുവകൾ
തയ്യാറാക്കുന്ന വിധം
ആദ്യമായി ഒരു പാത്രത്തിലേക്ക് നാല് മുട്ട (ഒരു കവര്‍ ബ്രഡിന്) പൊട്ടിച്ച് ഒഴിച്ച് നല്ല പോലെ ഇളക്കുക. ഇനി ഇതിലേക്ക് ചെറുതായി അറിഞ്ഞു വെച്ചിരിക്കുന്ന സവാള, തക്കാളി, പച്ചമുളക്, ക്യാപ്സിക്കം, മല്ലിയില, ആവശ്യത്തിന് ഉപ്പ് എന്നിവ ചേര്‍ത്ത് നല്ലപോലെ മിക്‌സ് ചെയ്‌തെടുക്കുക. ഇനി ഒരു പാനെടുത്ത ശേഷം അതിലേക് എണ്ണ ഒഴിച്ച് ഇപ്പോള്‍ തയ്യാറാക്കി വെച്ചിരിക്കുന്ന മിക്‌സ് അതിലേക്ക് ഒഴിച്ച് വേവിച്ചെടുക്കുക, ഇനി അത് മറ്റൊരു പാത്രത്തിലേക്ക് മാറ്റുക. ഇനി ചെറിയൊരു ബൗളെടുത്ത ശേഷം അതിലേക്ക് മയോണൈസ്, ടൊമാറ്റോ സോസ് എന്നിവ ചേര്‍ത്തിളക്കുക. സോസിന്റെ അളവിനേക്കാള്‍ കൂടുതല്‍ മയോണൈസ് ചേര്‍ക്കാന്‍ ശ്രമിക്കണം.
ഇനി ബ്രഡ് എടുക്കുക. ശേഷം മയോണൈസ്-സോസ് മിക്‌സ് ഇതിലേക്ക് പുരട്ടി വേവിച്ച മുട്ട മുറിച്ച് ഇതിന്റെ മുകളിലേക്ക് വെക്കാം. ഇനി ഇതിന്റെ മുകളിലേക്ക് മുറിച്ചുവെച്ച ചീസ് കൂടി വെക്കണം. ശേഷം ഇതിന് മുകളിലേക്ക് മറ്റൊരു ബ്രഡ് കൂടി വെച്ച ശേഷം നല്ലപോലെ അമര്‍ത്തി കൊടുക്കുക. ഇനി ഇത് പാനിലേക്ക് വെച്ചു ഫ്രൈ ചെയ്‌തെടുക്കുക. ബ്രഡിന്റെ കളര്‍ ബ്രൗണ്‍ ആകുന്നത് വരെ ഫ്രൈ ചെയ്യണം. ഇതോടെ സ്വാദിഷ്ടമായ ബ്രഡ് സാന്‍ഡ്വിച്ച് റെഡി.