അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടൻ ഷൈൻ ടോം ചാക്കോയുടെ ലഹരിക്കേസിൽ പൊലീസിന്‍റെ തുടർനടപടികൾ നീളും. തെളിവുകൾ ഇല്ലാത്തതിനാൽ ഷൈനെ വീണ്ടും ചോദ്യം ചെയ്യുന്നതിൽ കാര്യമില്ലെന്നാണ് പൊലീസ് വിലയിരുത്തൽ. ലഹരി പരിശോധനാ ഫലം വരാൻ രണ്ടുമാസം കഴിയും. കസ്റ്റഡിയിലെടുത്ത ഫോണുകളുടെ ഫോറെൻസിക് പരിശോധന ഫലവും വൈകുമെന്നാണ് വിവരം. എപ്പോൾ വിളിച്ചാലും ഹാജരാകാമെന്ന് ഷൈൻ അറിയിച്ചതിനാൽ തിടുക്കം കാണിക്കേണ്ട എന്നാണ് പൊലീസിന്‍റെ തീരുമാനം.
നടി വിൻസി അലോഷ്യസിന്റെ പരാതിയിൽ ‘സൂത്രവാക്യം’ സിനിമയുടെ ഐസിസി അന്വേഷണം തുടരുന്നു. ഇന്നലെ ഷൈൻ ടോം ചാക്കോയുടെയും വിൻസി അലോഷ്യസിന്റെയും മൊഴി ഐസിസി രേഖപ്പെടുത്തി.
