അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ എളുപ്പത്തിൽ രുചികരമായി തയ്യാറാക്കാവുന്ന ഒരു ദോശ തയ്യാറാക്കിയാലോ? രുചികരമായ റവ ദോശയുടെ റെസിപ്പി നോക്കാം.
ആവശ്യമായ ചേരുവകൾ
- റവ ഒരു കപ്പ്
- അരിപ്പൊടി ഒരു കപ്പ്
- മെെദ കാൽ കപ്പ്
- പച്ചമുളക് 2 എണ്ണം( ചെറുതായി അരിഞ്ഞത്)
- ഇഞ്ചി 1 ചെറിയ കഷdണം
- കറിവേപ്പില ഒരു തണ്ട്
- കുരുമുളകുപൊടി കാൽ ടീസ്പൂൺ
- മല്ലിയില അരിഞ്ഞത് ആവശ്യത്തിന്
- സവാള 1 എണ്ണം
തയാറാക്കുന്ന വിധം
ആദ്യം മുകളിൽ പറഞ്ഞിരിക്കുന്ന ചേരുവകളെല്ലാം ഒരു ബൗളിൽ ചേർത്ത് നന്നായി യോജിപ്പിച്ച ശേഷം വെള്ളവും ഉപ്പും കൂടി ചേർത്ത് 15 മിനുട്ട് നേരം മാറ്റിവയ്ക്കുക. ദോശ ഉണ്ടാക്കാൻ ഒരു പാൻ അടുപ്പിൽ വച്ച് നന്നായി ചൂടായി വരുമ്പോൾ ദോശ മിക്സ് പാനിലേക്ക് ഒഴിച്ചു കൊടുക്കാം. ദോശ ചൂടായി വരുമ്പോൾ അൽപം നെയ്യ് മുകളിൽ ഒഴിച്ചു കൊടുക്കുക. രണ്ട് വശവും മൊരിച്ച് എടുക്കുക.
