പലപ്പോഴും നമ്മൾ മാനസീകമായ ചെറിയ വിഷമതകൾ കണ്ടില്ലെന്ന് നടിക്കാറാണ് പതിവ്. എന്നാൽ ഈ ലക്ഷണങ്ങൾ നിങ്ങൾ അവഗണിക്കരുത്.
ആരോടും വൈകാരിക അടുപ്പം തോന്നാത്ത അവസ്ഥ
എല്ലാവരില്‍ നിന്നും പ്രിയപ്പെട്ടവരില്‍ നിന്നുള്‍പ്പെടെ വൈകാരികമായി അകന്നുനില്‍ക്കുക, സ്‌നേഹം പ്രകടിപ്പിക്കാന്‍ സാധിക്കാതിരിക്കുക, ആരോടും സംസാരിക്കാന്‍ തോന്നാത്ത അവസ്ഥ വരിക എന്നിവ തോന്നുന്നുണ്ടെങ്കില്‍ ശ്രദ്ധിക്കുക.
സ്ഥിരമായ ബ്രെയിന്‍ ഫോഗ്
ഒരുപാട് കാര്യങ്ങള്‍ ചിന്തിക്കുന്നുണ്ടെങ്കിലും ചിന്തകള്‍ക്ക് ഒരു വ്യക്തതയോ പൂര്‍ണതയോ ഇല്ലാത്ത അവസ്ഥ. ചിന്തകള്‍ മനസിലാക്കാനോ അതില്‍ ശ്രദ്ധ കേന്ദ്രീകരിക്കാനോ കഴിയാതെ വരിക. കാര്യങ്ങള്‍ പെട്ടെന്ന് മറന്നുപോകുക.
എത്ര നേരം ഉറങ്ങിയാലും ഒരു പൂര്‍ണത തോന്നാതിരിക്കുക
7 മുതല്‍ 9 മണിക്കൂറുകള്‍ വരെ നല്ല ഉറക്കം ലഭിച്ചാലും ക്ഷീണം മാറാത്തതുപോലെ തോന്നുക. ഉറക്കത്തിനിടയ്ക്ക് പോലും ഉത്കണ്ഠയുണര്‍ത്തുന്ന ചിന്തകള്‍ വന്ന് ഉറക്കം തടസ്സപ്പെടുക, ഉണര്‍ന്നെണീക്കുമ്പോഴും യാതൊരു ഉന്മേഷവും തോന്നാതിരിക്കുക എന്നീ ലക്ഷണങ്ങള്‍ നിസ്സാരമാക്കരുത്.
പ്ലാനുകള്‍ എളുപ്പത്തില്‍ വേണ്ടെന്ന് വയ്ക്കാന്‍ തോന്നുക
നിങ്ങള്‍ ഒത്തിരി ആഗ്രഹിച്ച കാര്യലോ പരിപാടിയിലോ പോലും പൂര്‍ണമനസോടെ പങ്കെടുക്കാന്‍ സാധിക്കാതെ വരിക, വല്ല കാരണങ്ങളും സൃഷ്ടിച്ച് അവിടെ നിന്ന് രക്ഷപ്പെടാന്‍ തോന്നുക, പ്ലാനുകള്‍ വേണ്ടെന്ന് വയ്ക്കുക വഴി വലിയ ആശ്വാസം തോന്നുക, എല്ലായിടത്തുനിന്നും പിന്‍വലിയാന്‍ തോന്നുക.
അമിതമായ സ്വയം വിമര്‍ശനം
നമ്മള്‍ ചെയ്യുന്നതൊന്നും നല്ലതല്ലെന്ന് തോന്നുക, പെര്‍ഫെക്ട് ആകണമെന്ന് അമിതമായി വാശിപിടിക്കുക, നന്നാകുമെന്ന് പ്രതീക്ഷയില്ലെന്ന് സ്വയം വിശ്വസിക്കുക, ഒരു കാര്യവും ചെയ്യാനും ഒരു പ്രചോദനവും കിട്ടുന്നില്ലെന്ന് തോന്നുക.
ഈ ലക്ഷണങ്ങൾ നിങ്ങൾക്കുണ്ടെങ്കിൽ അവഗണിക്കാതിരിക്കുക