അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വീട്ടിൽ വരുന്ന വിരുന്നുകാർക്ക് വിളമ്പാൻ ഒരു കിടിലൻ ഐറ്റം തയ്യാറാക്കിയാലോ? കിടിലൻ സ്വാദിൽ തയ്യാറാക്കാവുന്ന ബീഫ് ഡ്രൈ ഫ്രൈ റെസിപ്പി നോക്കാം.
ആവശ്യമായ ചേരുവകള്‍
- എല്ലില്ലാത്ത 500ഗ്രാം ബീഫ് ഉപ്പും മഞ്ഞള്‍ പൊടിയും ചേര്‍ത്ത് 75%വേവിച്ചു നീളത്തില്‍ അരിഞ്ഞെടുക്കുക
- മുളക് പൊടി ഒന്നര ടേബിള്‍ സ്പൂണ്‍
- കോണ്‍ഫ്‌ലര്‍ 1ടേബിള്‍ സ്പൂണ്‍
- മഞ്ഞള്‍ പൊടി അര ടീ സ്പൂണ്‍
- കോഴിമുട്ട 1
- ഗരം മസാല കാല്‍ ടീ സ്പൂണ്‍
- ഉപ്പ് പാകത്തിന്
- കുരുമുളക് പൊടി 1ടീ സ്പൂണ്‍
- ഇഞ്ചി വെളുത്തുള്ളി പേസ്റ്റ് 1ടേബിള്‍ സ്പൂണ്‍ നിറയെ
- വിനാഗിരി 4ടേബിള്‍ സ്പൂണ്‍
- വെള്ളം വേണമെങ്കില്‍ ബീഫ് വെന്ത വെള്ളം ചേര്‍ക്കുക
തയ്യാറാക്കുന്ന വിധം
എല്ലാം കൂടി നന്നായി പേസ്റ്റ് പരുവത്തില്‍ ആക്കി, വേവിച്ചു അരിഞ്ഞു വെച്ച ബീഫ് ഇതിലേക്ക് ചേര്‍ത്ത് മിക്‌സ് ചെയ്ത് ഒരു മണിക്കൂര്‍ വെക്കുക, പിന്നീട് വെളിച്ചെണ്ണയില്‍ പൊരിച്ചു കോരുക, അവസാനം 2 തണ്ട് കറിവേപ്പിലയും 4 പച്ചമുളക് നടുകെ പൊളിച്ചതും വെളിച്ചെണ്ണയില്‍ വറുത്ത് കോരി ബീഫിലേക്ക് ചേര്‍ത്ത് കൊടുക്കുക.
