കണ്ണൂരിൽ മെത്താംഫിറ്റമിനും കഞ്ചാവും കാറിൽ കടത്താൻ ശ്രമിച്ച പ്രതിയെ എക്സൈസ് പിടികൂടി. തോട്ടട സ്വദേശി മുഹമ്മദ്‌ റാഷിദ് എം.പിയാണ് (30) പിടിയിലായത്.
ഇയാളിൽ നിന്നും 6.137 ഗ്രാം മെത്താംഫിറ്റമിനും 11 ഗ്രാം കഞ്ചാവും പിടിച്ചെടുത്തു. കൂടാതെ മയക്കുമരുന്ന് കടത്താൻ ഉപയോഗിച്ച കാർ എക്സൈസ് കസ്റ്റഡിയിലെടുത്തു.
അതേസമയം കണ്ണൂർ ടൗണിൽ എക്സൈസ് സംഘം വാഹന പരിശോധന നടത്തുന്നതിനിടെ ഇവരുടെ കണ്ണിൽപ്പെടാതെ മുഗമ്മദ് റാഷിദ് രക്ഷപ്പെടാൻ ശ്രമിക്കുകയായിരുന്നു.
എന്നാൽ അമിത വേഗതിയിൽ ഓടിച്ച വാഹനം റോഡിലുണ്ടായിരുന്ന മറ്റ് നിരവധി വാഹനങ്ങളെ ഇടിച്ചു. തുടർന്ന് സാഹസികമായി ഇയാളെ പിടികൂടുകയായിരുന്നു.