അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവല്ല- ചങ്ങനാശ്ശേരി റെയില്‍വേ സ്റ്റേഷനുകള്‍ക്കിടയില്‍ റെയില്‍വേ പാലത്തിന്റെ (നമ്പര്‍ 174) ഗര്‍ഡര്‍ മാറ്റി സ്ഥാപിക്കുന്നതിനായി ഏപ്രില്‍ 26-ന് ഗതാഗത നിയന്ത്രണമേര്‍പ്പെടുത്തുമെന്ന് ഇന്ത്യന്‍ റെയില്‍വേ അറിയിച്ചു. വൈകുന്നേരം 7:55 മുതല്‍ ചില സര്‍വീസുകള്‍ റദ്ദാക്കുമെന്നും വഴിതിരിച്ചു വിടുമെന്നും അറിയിച്ചിട്ടുണ്ട്.
വഴിതിരിച്ചുവിടുന്ന ട്രെയിനുകള്‍
നോര്‍ത്ത്- എസ്എംവിടി ബെംഗളൂരു ഹംസഫര്‍ എക്സ്പ്രസ് 2025 ഏപ്രില്‍ 26-ന് 18.05ന് തിരുവനന്തപുരം നോര്‍ത്തില്‍ നിന്ന് പുറപ്പെടും. കായംകുളം ജംഗ്ഷനും എറണാകുളം ടൗണിനും ഇടയില്‍ വഴിതിരിച്ചുവിട്ട് ആലപ്പുഴ വഴി പോകും. ചെങ്ങന്നൂരിലും കോട്ടയത്തും സ്റ്റോപ്പുകള്‍ ഒഴിവാക്കി ആലപ്പുഴയിലും എറണാകുളം ജംഗ്ഷനിലും താത്കാലികമായി അധിക സ്റ്റോപ്പ് അനുവദിച്ചിട്ടുണ്ട്.
ഏപ്രില്‍ 26-ന് 18.40 മണിക്ക് തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന ട്രെയിന്‍ നമ്പര്‍ 16629 തിരുവനന്തപുരം സെന്‍ട്രല്‍ – മംഗളൂരു സെന്‍ട്രല്‍ മലബാര്‍ എക്സ്പ്രസ് കായംകുളത്തിനും എറണാകുളം ടൗണിനും ഇടയില്‍ തിരിച്ചു വിട്ട് ആലപ്പുഴ വഴി സര്‍വ്വീസ് നടത്തും.
മാവേലിക്കര, ചെങ്ങന്നൂര്‍, തിരുവല്ല, ചങ്ങനാശേരി, കോട്ടയം, പിറവം റോഡ്, തൃപ്പൂണിത്തുറ എന്നിവിടങ്ങളിലെ ഷെഡ്യൂള്‍ ചെയ്ത സ്റ്റോപ്പുകള്‍ ഒഴിവാക്കി ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല, എറണാകുളം ജങ്ഷനുകളില്‍ താത്കാലികമായി അധിക സ്റ്റോപ്പുകള്‍ അനുവദിച്ചിട്ടുണ്ട്.
ഏപ്രില്‍ 26-ന് 20.55 മണിക്ക് തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന ട്രെയിന്‍ നമ്പര്‍ 16347 തിരുവനന്തപുരം സെന്‍ട്രല്‍ – മംഗളൂരു സെന്‍ട്രല്‍ എക്സ്പ്രസ് കായംകുളത്തിനും എറണാകുളം ടൗണിനും ഇടയില്‍ വഴി തിരിച്ചുവിടും. ആലപ്പുഴ വഴിയാണ് ട്രെയിന്‍ സര്‍വ്വീസ് നടത്തുക. മാവേലിക്കര, ചെങ്ങന്നൂര്‍, തിരുവല്ല, ചങ്ങനാശേരി, കോട്ടയം എന്നിവിടങ്ങളിലെ ഷെഡ്യൂള്‍ ചെയ്ത സ്റ്റോപ്പുകള്‍ ഒഴിവാക്കി ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല എന്നിവിടങ്ങളില്‍ അധിക താത്കാലികമായി സ്റ്റോപ്പുകള്‍ അനുവദിച്ചിട്ടുണ്ട്.
ഏപ്രില്‍ 26-ന് 20.30 മണിക്ക് തിരുവനന്തപുരം സെന്‍ട്രലില്‍ നിന്ന് പുറപ്പെടുന്ന ട്രെയിന്‍ നമ്പര്‍ 16343 തിരുവനന്തപുരം സെന്‍ട്രല്‍ – മധുരൈ ജംഗ്ഷന്‍ അമൃത എക്സ്പ്രസ് കായംകുളത്തിനും എറണാകുളം ടൗണിനും ഇടയില്‍ വഴി തിരിച്ചുവിടും. മാവേലിക്കര, ചെങ്ങന്നൂര്‍, തിരുവല്ല, ചങ്ങനാശേരി, കോട്ടയം എന്നിവിടങ്ങളിലെ സ്റ്റോപ്പുകള്‍ ഒഴിവാക്കി ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല എന്നിവിടങ്ങളില്‍ അധിക സ്റ്റോപ്പുകളും താത്കാലികമായി അനുവദിച്ചിട്ടുണ്ട്.
ഭാഗികമായി റദ്ദാക്കിയ ട്രെയിനുകള്‍
2025 ഏപ്രില്‍ 26-ന് മധുര ജംക്ഷനില്‍ നിന്ന് രാവിലെ 11.35 ന് പുറപ്പെടുന്ന ട്രെയിന്‍ നമ്പര്‍ 16327 മധുര ജംക്ഷന്‍ – ഗുരുവായൂര്‍ എക്സ്പ്രസ് കൊല്ലം ജംക്ഷനില്‍ സര്‍വ്വീസ് അവസാനിപ്പിക്കും. കൊല്ലത്തിനും ഗുരുവായൂരിനും ഇടയില്‍ ട്രെയിന്‍ ഭാഗികമായി റദ്ദാക്കും.
ഗുരുവായൂരില്‍ നിന്ന് രാവിലെ 05.50 ന് പുറപ്പെടേണ്ട ട്രെയിന്‍ നമ്പര്‍ 16328 ഗുരുവായൂര്‍ – മധുര ജംക്ഷന്‍ എക്സ്പ്രസ് 2025 ഏപ്രില്‍ 27 ന് ഉച്ചയ്ക്ക് 12.10 ന് കൊല്ലത്ത് നിന്ന് സര്‍വീസ് ആരംഭിക്കും. ഗുരുവായൂരിനും കൊല്ലത്തിനും ഇടയില്‍ ട്രെയിന്‍ ഭാഗികമായി റദ്ദാക്കും.
STORY HIGHLIGHTS : Change in train timings tomorrow
