ഉപാധികളില്ലാതെ യുക്രെയിനുമായി ചര്‍ച്ചയ്ക്ക് തയ്യാറെന്ന് റഷ്യന്‍ പ്രസിഡന്റ് വ്‌ളാഡിമിര്‍ പുടിന്‍ അമേരിക്കന്‍ പ്രതിനിധിയോട് വ്യക്തമാക്കിയതായി ക്രെംലിന്‍. അമേരിക്കൻ പ്രതിനിധി സ്റ്റീവ് വിറ്റ്കോഫിനോട് പുടിൻ നിലപാട് അറിയിച്ചതായി റഷ്യ അറിയിച്ചു.
ഉപാധികളില്ലാതെ യുക്രെയ്‌നുമായി ചര്‍ച്ചയ്ക്ക് തയ്യാറാണ്. ഇത് നേരത്തെ തന്നെ പറഞ്ഞതാണെന്നും ഇപ്പോൾ ഒന്നുകൂടി ആവർത്തിക്കുകയാണെന്നും പുടിൻ പറഞ്ഞതായി റഷ്യയുടെ വിദേശകാര്യ വക്താവ് ദിമിത്രി പെസ്കോവ് പ്രതികരിച്ചു.
റോമില്‍ ഫ്രാന്‍സിസ് മാര്‍പാപ്പയുടെ സംസ്‌കാര ചടങ്ങില്‍ അമേരിക്കന്‍ പ്രസിഡന്റ് ഡോണള്‍ഡ് ട്രംപ് യുക്രെയ്ന്‍ പ്രസിഡന്റ് വൊളോഡിമിര്‍ സെലെന്‍സ്‌കിയുമായി അനൗദ്യോഗിക കൂടിക്കാഴ്ച നടത്തിയതിന് പിന്നാലെയാണ് പുടിൻ തൻ്റെ നിലപാട് അറിയിച്ചത്.