ചിക്കന്‍ ലിവര്‍ റോസ്റ്റ് തയ്യാറാക്കിയാലോ ? നല്ല എരിവൂറുന്ന ലിവര്‍ റോസ്റ്റ് വളരെ കുറഞ്ഞ സമയത്തിനുള്ളില്‍ വീട്ടിലുണ്ടാക്കുന്നത് എങ്ങനെയെന്ന് നോക്കിയാലോ ?
ചേരുവകള്‍
ലിവര്‍ – 500 ഗ്രാം
മുളകുപൊടി – 2 സ്പൂണ്‍
മഞ്ഞള്‍പൊടി – 1/2 സ്പൂണ്‍
ഗരം മസാല – 1/2 സ്പൂണ്‍
കുരുമുളകുപൊടി – 1 സ്പൂണ്‍
തൈര് – 1 സ്പൂണ്‍
ഉപ്പ് – ആവിശ്യത്തിന്
സവാള – 2
പച്ചമുളക് – 2
ഇഞ്ചി – ഒരു ചെറിയ കഷ്ണം
വെളുത്തുള്ളി – 5 അല്ലി
തക്കാളി – 1
കറിവേപ്പില – 1 തണ്ട്
ഓയില്‍ – ഫ്രൈ ചെയ്യാന്‍ ആവിശ്യത്തിന്
തയ്യാറാക്കുന്ന വിധം
മുളകുപൊടി, മഞ്ഞള്‍പൊടി, കുരുമുളകുപൊടി, ഉപ്പ്, തൈര്, ഗരം മസാല, ചേര്‍ത്തു പേസ്റ്റ് രൂപത്തില്‍ ആക്കുക. അതിലേക്കു കഴുകി വൃത്തി ആക്കി വെച്ചേക്കുന്ന ലിവര്‍ ഇട്ടു മിക്‌സ് ചെയ്തു 1 മണിക്കൂര്‍ വയ്ക്കുക. ഒരു പാന്‍ ചുടാക്കി ഓയില്‍ ഒഴിച്ചു ലിവര്‍ ഇടുക. ഒരു പുറം ഫ്രൈ ആകുമ്പോള്‍ തിരിച്ചു ഇടുക. പകുതി ഫ്രൈ ആകുമ്പോള്‍ അതിനു മുകളില്‍ ഇഞ്ചി, പച്ചമുളക്, വെളുത്തുള്ളി, സവാള എന്നിവ ഇടുക. അതിനു മുളകില്‍ ഒരു തക്കാളിയും കറിവേപ്പിലയും ഇട്ടു കൊടുത്തു അടച്ചു വച്ചു 10 മിനിറ്റ് വേവിക്കുക. ഓപ്പണ്‍ ചെയ്തു എല്ലാം കൂടി മിക്‌സ് ചെയ്തു ചെറിയ തീയില്‍ ഇട്ടു വരട്ടി എടുക്കുക.