അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പ്രമുഖ ചിന്തകനും എഴുത്തുകാരനും കേരള ഭാഷാ ഇൻസ്റ്റിറ്റ്യൂട്ട് ഭരണസമിതി അംഗവുമായ കെ. കെ. കൊച്ച് അനുസ്മരണവും സെമിനാറും തിരുവനന്തപുരം സർക്കാർ വനിതാ കോളെജിൽ ഇന്ന് (ഏപ്രിൽ 30ന് ബുധനാഴ്ച) രാവിലെ 11 മണിക്ക് ഉന്നതവിദ്യാഭ്യാസ-സാമൂഹികനീതി വകുപ്പുമന്ത്രി ഡോ. ആര്‍. ബിന്ദു ഉദ്ഘാടനം ചെയ്യും. സാമൂഹികചിന്തകനും എഴുത്തുകാരനുമായ സണ്ണി എം. കപിക്കാട് മുഖ്യപ്രഭാഷണം നടത്തും. കേരള ഭാഷാ ഇൻസ്റ്റിറ്റ്യൂട്ട് ഡയറക്ടര്‍ ഡോ. എം. സത്യന്‍ അധ്യക്ഷനാകും. സംസ്ഥാന സർവവിജ്ഞാന കോശം ഇൻസ്റ്റിറ്റ്യൂട്ട് ഡയറക്ടർ ഡോ. മ്യൂസ്മേരി ജോർജ്, സാക്ഷരതാ മിഷൻ ഡയറക്ടർ പ്രൊഫ. എ. ജി. ഒലീന, കേരള സർവകലാശാല സിൻഡിക്കേറ്റ് അംഗം ഡോ. ഷിജൂഖാൻ, സർക്കാർ വനിതാ കോളെജ് മലയാള വിഭാഗം അധ്യക്ഷൻ ഡോ. ലാലു വി എന്നിവർ പ്രഭാഷണം നടത്തും. സർക്കാർ വനിതാ കോളെജ് പ്രിൻസിപ്പൽ ഡോ. അനില ജെ. എസ് സ്വാഗതവും കേരള ഭാഷാ ഇൻസ്റ്റിറ്റ്യൂട്ട് റിസർച്ച് ഓഫീസർ അമ്പിളി ടി. കെ. നന്ദിയും പറയും.
കെ. കെ. കൊച്ചിന്റെ സാഹിത്യചിന്തകൾ, ചരിത്രാന്വേഷണങ്ങൾ, സമുദായപഠനങ്ങൾ എന്നീ മേഖലകളെ അടിസ്ഥാനമാക്കി രാവിലെ 10 മുതൽ വൈകുന്നേരം വരെ നടക്കുന്ന സെമിനാറിലെ വിവിധ സെഷനുകളിൽ കൊല്ലം ഫാത്തിമമാതാ കോളെജ് ചരിത്രവിഭാഗം അസി. പ്രൊഫസറും പ്രമുഖ ചരിത്രഗവേഷകനുമായ ഡോ. വിനിൽപോൾ, സാമൂഹികചിന്തകനും കാലിക്കറ്റ് സർവകലാശാല മലയാള വിഭാഗം അസി. പ്രൊഫസറുമായ ഡോ. എം. ബി. മനോജ്, എഴുത്തുകാരൻ വി.വി. സ്വാമി എന്നിവർ പ്രബന്ധങ്ങൾ അവതരിപ്പിച്ച് സംസാരിക്കും. സർക്കാർ വനിതാ കോളെജ് മലയാളവിഭാഗം അസി. പ്രൊഫസർമാരായ ഡോ. അമ്പിളി ആർ. പി., ഡോ. എം. ഗംഗാദേവി, ഡോ. സേതുലക്ഷ്മി എം. എസ്. എന്നിവർ മോഡറേറ്റർമാരാകും. കേരള ഭാഷാ ഇൻസ്റ്റിറ്റ്യൂട്ട് അസി. ഡയറക്ടർ സുജാചന്ദ്ര പി സ്വാഗതവും റിസർച്ച് ഓഫീസർ കെ. ആർ. സരിതകുമാരി നന്ദിയും പറയും.
CONTENT HIGH LIGHTS;K. K. Koch Memorial and Seminar: Kerala Language Institute
