അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൃത്തിയാക്കി മുറിച്ച താറാവുകഷണങ്ങള്‍ ഉപ്പും മഞ്ഞള്‍പ്പൊടിയും ചേര്‍ത്തു പുരട്ടിയെടുത്ത്‌, 20 മിനിറ്റു വയ്‌ക്കുക. കുഴിയുള്ള ഒരു പാന്‍ ചൂടാക്കി അരപ്പുതേച്ച താറാവുകഷണങ്ങള്‍ അതിലിടുക. ഒന്ന്‌ എണ്ണതൂക്കണം. പിന്നെ അടച്ച്‌, സ്വര്‍ണനിറമാകുംവരെ വേവിക്കുക. മറ്റൊരു പാനില്‍ കടുകുതാളിച്ച്‌ മസാലച്ചേരുവ ചേര്‍ത്ത്‌ ഉള്ളിയും പച്ചമുളകും വെളുത്തുള്ളിയും ഇഞ്ചിയും കറിവേപ്പിലയും മൂപ്പിച്ച്‌, മസാലപ്പൊടികളും ചേര്‍ത്ത്‌ ഒരു മിനിറ്റു വയ്‌ക്കുക. തക്കാളിയരിഞ്ഞതും ചേര്‍ത്തു നന്നായി വേവിച്ചെടുക്കുക.
ഇനി താറാവും ഇതില്‍ച്ചേര്‍ത്ത്‌ വേണ്ടത്ര വെള്ളവുമൊഴിച്ച്‌, പാതി തേങ്ങാപ്പാലും ചേര്‍ത്ത്‌ വേണ്ടത്ര ഉപ്പുമിട്ട്‌ വേവിക്കുക. നന്നായി വെന്തുകഴിഞ്ഞാല്‍ ബാക്കിയുള്ള തേങ്ങാപ്പാലും ചേര്‍ത്ത്‌ ഒന്നു തിളപ്പിച്ചെടുക്കുക. താറാവുമപ്പാസു റെഡി!
