ഇനി കോളിഫ്ലാവർ കിട്ടുമ്പോൾ ഇത്പോലെ ഒന്ന് തയ്യാറാക്കിനോക്കൂ. കിടിലൻ സ്വാദിൽ റെസ്റ്റോറന്റിൽ നിന്നും കഴിക്കുന്ന അതെ സ്വാദിൽ ഗോബി മഞ്ചൂരിയൻ വീട്ടിൽ തയ്യാറാക്കാം. റെസിപ്പി നോക്കാം.
ആവശ്യമായ ചേരുവകൾ
തയ്യാറാക്കുന്ന വിധം
ഒരു ബൗളിലേക്ക് മൈദ പൊടി കോൺഫ്ലോർ കടല പൊടി കുരുമുളകു പൊടി മുളകു പൊടി ആവശ്യത്തിന് ഉപ്പ് സോയ സോസ് എന്നിവ ചേർത്ത് വെള്ളം ഒഴിച്ച് മിക്സ് ചെയ്ത ശേഷം ഇതിലേക്ക് ഉപ്പും മഞ്ഞൾ പൊടിയും ഇട്ട് വേവിച്ചു വച്ചിരിക്കുന്ന കോളിഫ്ലവർ ഇട്ടു കൊടുത്തു വീണ്ടും നന്നായി ഇളക്കി യോജിപ്പിച്ചു വെക്കുക.
ഒരു പാൻ അടുപ്പിൽ വച്ച് ഓയിൽ ഒഴിച്ച് കൊടുത്ത ശേഷം ചൂടായി കഴിയുമ്പോൾ ഇതിലേക്ക് കോളിഫ്ലവർ ഇട്ട് കൊടുത്ത് പൊരിച്ചു കോരുക. ഇനി അതേ എണ്ണയിലേക്ക് കുറച്ച് എണ്ണ മാറ്റിയ ശേഷം ഇതിലേക്ക് ക്യൂബ്സ് ആയി കട്ട് ചെയ്തു വച്ചിരിക്കുന്ന സവാളയും ക്യാപ്സിക്കവും ഇട്ടു കൊടുത്ത് മിക്സ് ചെയ്യുക. ശേഷം ഇതിലേക്ക് സോയാസോസും ടൊമാറ്റോ സോസും അതു പോലെ തന്നെ കുരുമുളകു പൊടിയും ഇട്ടു കൊടുക്കുക.
ഇനി നമ്മൾ പൊരിച്ചു വച്ചിരിക്കുന്ന കോളിഫ്ലവർ ഇതിലേക്ക് ഇട്ടു കൊടുത്ത് എല്ലാം കൂടി ഇളക്കി യോജിപ്പിച്ച് കൊടുക്കുക. ഒരു ചെറിയ ബൗളിൽ വെള്ളത്തിൽ കോൺഫ്ലോർ കലക്കിയത് കൂടി ഇതിലേക്ക് ഒഴിച്ച് കൊടുത്ത് എല്ലാം കൂടി ഇളക്കി യോജിപ്പിച്ച ശേഷം തിളപ്പിച്ച് എടുക്കുക. അവസാനമായി ആവശ്യത്തിന് ഉപ്പും കുരുമുളകു പൊടിയും കൂടി ഇട്ട് കൊടുത്ത ശേഷം തീ ഓഫാക്കാവുന്നതാണ്.