അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇനി ഗുലാബ് ജാമുൻ തയ്യാറാക്കാൻ അവിൽ മതി. വളരെ എളുപ്പത്തിൽ തയ്യാറാക്കാവുന്ന ഒരു ഗുലാബ് ജമുൻ റെസിപ്പി നോക്കിയാലോ?
ആവശ്യമായ ചേരുവകൾ
- അവല്‍ – 2 Cup
- ഗോതമ്പുപൊടി – 2 tablespoon
- പാല്‍പൊടി – 2 ഉപ്പ് – ഒരു നുള്ള്
- എണ്ണ – ആവശ്യത്തിന്
- വെള്ളം – 1 Cup
- പഞ്ചസാര – 1 Cup
- മഞ്ഞള്‍ പൊടി – ഒരു നുള്ള്
- ഏലക്കാ – 1 എണ്ണം
തയ്യാറാക്കുന്ന വിധം
ആദ്യം അവല്‍ നല്ലതുപോലെ കഴുകി വെള്ളം പിഴിഞ്ഞുവെക്കുക. ഇതിലേക്ക് ഗോതമ്പുപൊടിയും, പാല്‍പൊടിയും ഒരു നുള്ള് ഉപ്പും ചേര്‍ത്ത് കുഴക്കുക. കയ്യില്‍ ഒട്ടിപ്പിടിക്കുന്നുണ്ടെങ്കില്‍ സ്വല്പം നെയ്യോ എണ്ണയോ കയ്യില്‍ തടവുക. ഇതില്‍ വേറെ വെള്ളം ചേര്‍ക്കേണ്ട ആവശ്യം ഇല്ല. അവല്‍ കഴുകിയതുകൊണ്ട് ആ നനവ് മതിയാകും കുഴക്കുന്നതിന്.
കുഴച്ചിതിനു ശേഷം മാവ് ചെറിയ ചെറിയ ബോള്‍സ് ആയിട്ട് ഉരുട്ടി എടുക്കുക. ഒരു പാനില്‍ എണ്ണ ചൂടാക്കിയ ശേഷം ഓരോ ബോള്‍സും എണ്ണയിലിട്ടു ഇളക്കി പൊരിച്ച് എടുക്കുക. ഒരു ബ്രൗണ്‍ കളര്‍ ആവുമ്പോള്‍ കോരി മാറ്റുക. ഇനി വേറെ ഒരു പാന്‍ അടുപ്പില്‍ വെച്ച് അതിലേക്ക് ഒരു കപ്പ് പഞ്ചസാരയും ഒരു കപ്പ് വെള്ളവും ഏലക്കായും മഞ്ഞള്‍പൊടിയും ചേര്‍ത്ത് ഇളക്കുക.
പഞ്ചസാര പാനി ഒരു നൂല്‍ പരുവം ആകുമ്പോള്‍ അടുപ്പില്‍നിന്നു മാറ്റിവെച്ച് ഇതിലേക്ക് നേരത്തെ തയ്യാറാക്കിവെച്ച ബോള്‍സ് ഇട്ട് വെക്കുക. ബോള്‍സ് പഞ്ചസാര പാനിയില്‍ മുങ്ങി കിടക്കണം. ഒരു രണ്ടു മണിക്കൂറിനുശേഷം (നന്നായി കുതിരണം) ഉപയോഗിക്കാം.
