അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എന്നും ചിക്കൻ ഒരുപോലെയല്ലേ തയ്യാറാക്കുന്നത്? ഇന്നൊരല്പം വ്യത്യസ്തമായി തയ്യാറാക്കിയാലോ? കിടിലൻ സ്വാദിൽ എളുപ്പത്തിൽ തയ്യാറാക്കാവുന്ന ജിൻജർ ചില്ലി ചിക്കൻ റെസിപ്പി നോക്കാം.
ആവശ്യമായ ചേരുവകൾ
- 1.ചിക്കൻ – ഒരു കിലോ
- 2.ഇഞ്ചി – രണ്ടരയിഞ്ചു കഷണം, ചതച്ചത്
- 3.വറ്റൽമുളക് – 18
- മഞ്ഞൾപ്പൊടി – ഒരു ചെറിയ സ്പൂൺ
- ഉപ്പ് – പാകത്തിന്
- 4.വെളിച്ചെണ്ണ – പാകത്തിന്
- 5.പെരുംജീരകം – ഒരു ചെറിയ സ്പൂൺ, ചതച്ചത്
തയ്യാറാക്കുന്ന വിധം
ചിക്കൻ കഴുകി വൃത്തിയാക്കി പാകത്തിനു വലുപ്പമുള്ള കഷണങ്ങളാക്കുക. ഇഞ്ചി ചതച്ചത് ചിക്കനിൽ പുരട്ടി വയ്ക്കണം. മൂന്നാമത്തെ ചേരുവ തരുതരുപ്പായി അരച്ചതും ചിക്കനിൽ ചേർത്തു പുരട്ടി കുറഞ്ഞത് ഒരു മണിക്കൂറെങ്കിലും വയ്ക്കുക.
ചുവടുകട്ടിയുള്ള പാത്രത്തിൽ വെളിച്ചെണ്ണ ചൂടാക്കി, ചിക്കൻ ചേർക്കുക. പാത്രം മുറുകെ അടച്ച്, ചെറുതീയിൽ വച്ചു വേവിക്കണം. ഇടയ്ക്കിടെ ചിക്കൻ തിരിച്ചിട്ടു കൊടുക്കണം. ചിക്കൻ വെന്ത ശേഷം അടപ്പു തുറന്നു വച്ച്, അധികമുള്ള വെള്ളം വറ്റിച്ചെടുക്കുക. വെള്ളം വറ്റിയ ശേഷം പെരുംജീരകം ചതച്ചതു വിതറി ചൂടോടെ വിളമ്പാം. ക‍ഴിച്ചു നോക്കൂ. നിങ്ങള്‍ക്കിഷ്ടപ്പെടും.
