അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോന്‍ പാപ്ഡി ഇഷ്ടമാണോ? കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന ഒരു കിടിലൻ ഐറ്റം. വളരെ എളുപ്പത്തിൽ രുചികരമായി തയ്യാറാക്കാവുന്ന ഒരു ഐറ്റം.
ആവശ്യമായ ചേരുവകൾ
- കടലമാവ്-ഒന്നര കപ്പ്
- മൈദ-ഒന്നര കപ്പ്
- പാല്‍-2 ടേബിള്‍ സ്പൂണ്‍
- പഞ്ചസാര-രണ്ടര കപ്പ്
- ഏലയ്ക്കാപ്പൊടി-1 ടീസ്പൂണ്‍
- നെയ്യ്-250 ഗ്രാം
- വെള്ളം-ഒന്നര കപ്പ്
- പോളിത്തീന്‍ ഷീറ്റ്
തയ്യാറാക്കുന്ന വിധം
ഒരു പാത്രത്തില്‍ മൈദയും കടലമാവും കൂട്ടിക്കലര്‍ത്തുക. പാനില്‍ നെയ്യു ചൂടാക്കണം. ഇതില്‍ കലര്‍ത്തിയ മാവു ചേര്‍ത്ത് നല്ലപോലെ ഇളക്കുക. ഇത് ഇളം ബ്രൗണ്‍ നിറമാകുന്നതു വരെ ഇളക്കുക. ഇത് ഒരു പാത്രത്തില്‍ പരത്തി വയ്ക്കുക.
ചുവടു കട്ടിയുള്ള പാത്രത്തില്‍ വെള്ളം ചൂടാക്കുക. ഇതിലേയ്ക്കു പഞ്ചസാര, പാല്‍ എന്നിവ ചേര്‍ത്തിളക്കി അല്‍പം കട്ടിയില്‍ മിശ്രിതമാക്കുക. ഇത് ചൂടാറാന്‍ വയ്ക്കുക. ഒരു പരന്ന പാത്രത്തില്‍ നെയ്യു പുരട്ടി വയ്ക്കുക. മാവും പഞ്ചസാര-പാല്‍ മിശ്രിതവും തണുത്താറിക്കഴിയുമ്പോള്‍ മാവ് പഞ്ചസാര മിശ്രിതത്തില്‍ കുറേശെ വീതമിട്ട് ഇളക്കുക. ഇളക്കുമ്പോള്‍ നൂല്‍ പരുവത്തിലാകുമ്പോള്‍ ഇത് നെയ്യു പുരട്ടിയ പാത്രത്തിലേയ്‌ക്കൊഴിയ്ക്കുക. ഇതിന് ഒരിഞ്ചു കട്ടിയിലെങ്കിലും ഒഴിച്ചു കഴിയുമ്പോള്‍ ഉണ്ടാകണം. ഇതിനു മീതെ ഏലയ്ക്കാപ്പൊടി വിതറാം. സോന്‍ പാപ്ഡി ചെറിയ ചതുരക്കട്ടകളായി മുറിക്കാം
