അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വൈകീട്ട് ചായക്കൊപ്പം കഴിക്കാൻ കിടിലൻ സ്വാദിൽ ഒരു സ്നാക്ക് ഉണ്ടാക്കിയാലോ? രുചികരമായ ചെമ്മീന്‍ സമോസ തയ്യാറാക്കുന്നത് എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- ചെമ്മീന്‍- അരക്കിലോ
- സവാള- നാല് എണ്ണം
- പച്ചമുളക് പൊടിയായി അരിഞ്ഞത് – 10 എണ്ണം
- ഇഞ്ചി ചതച്ചത്- ഒരു വലിയ കഷ്ണം
- തക്കാളി ചെറുതായി അരിഞ്ഞത്- 1 എണ്ണം
- വെളുത്തുള്ളി ചതച്ചത്- 10 എണ്ണം
- മഞ്ഞള്‍പ്പൊടി- കാല്‍ ടീസ്പൂണ്‍
- മല്ലിപ്പൊടി- 1 ടീസ്പൂണ്‍
- മല്ലിയില-1 തണ്ട്
- മസാലപ്പൊടി- 1 നുള്ള്
- മൈദ- 250 ഗ്രാം
- വെളിച്ചെണ്ണ- ആവശ്യത്തിന്
- ഉപ്പ്- പാകത്തിന്
തയ്യാറാക്കുന്ന വിധം
സവാള തൊലി കളഞ്ഞ് ചെറുതായി അരിയുക. ഒരു പാനില്‍ 2 ടേബിള്‍ സ്പൂണ്‍ എണ്ണ ഒഴിച്ച് സവാള അതിലിട്ട് വഴറ്റുക. ഇതിലേക്ക് പച്ചമുളക്, തക്കാളി, വെളുത്തുള്ളി, ഇഞ്ചി, മഞ്ഞള്‍പ്പൊടി, മല്ലിപ്പൊടി, മലാസപ്പൊടി എന്നിവ ചേര്‍ക്കുക. ഇതിലേക്ക് ചെമ്മീനും ചേര്‍ത്ത് നന്നായി യോജിപ്പിക്കുക. ചെമ്മീന്‍ വെന്തശേഷം വാങ്ങി വെയ്ക്കാം.
അതിനു ശേഷം മൈദ ഉപ്പും വെള്ളവും ചേര്‍ത്ത സമൂസ പരുവത്തില്‍ കുഴച്ചെടുക്കുക. ശേഷ് ഇത് പരത്തിയെടുത്ത് നെടുകെ മുറിച്ച് അതില്‍ ഒരു സ്പൂണ്‍ ചെമ്മീന്‍ കൂട്ട് നിറച്ചതിനു ശേഷം സമൂസ പരുവത്തില്‍ മടക്കി എണ്ണയില്‍ പൊരിച്ചെടുക്കുക.
