അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നൂല്‍ പൊറോട്ട നല്ല സോഫ്റ്റ് ആയി തയ്യാറാക്കാൻ ഇനി ബുദ്ധിമുട്ടേണ്ട.. വളരെ കുറഞ്ഞ സമയംകൊണ്ട് വളരെ എളുപ്പത്തിൽ തന്നെ തയ്യാറാക്കാം.
ആവശ്യമായ ചേരുവകൾ
- മൈദ – 1 കപ്പ്
- നെയ്യ് – 1 ടീസ്പൂൺ
- പാൽ – അര കപ്പ്
- മുട്ട – 1
- തൈര് – 2 ടേബിൾസ്പൂൺ
- ഉപ്പ് – ആവശ്യത്തിന്
- പഞ്ചസാര – 2 ടീസ്പൂൺ
തയാറാക്കുന്ന വിധം
ഒരു കപ്പ് മൈദയും ഒരു ടീസ്പൂൺ നെയ്യും കൂടി പുട്ടിനു നനയ്ക്കുന്നതു പോലെ ഇളക്കിയെടുക്കുക. മിക്സിയുടെ ജാറിലേക്കു പാലും മുട്ടയും തൈരും പഞ്ചസാരയും ഉപ്പും കൂടി ചേർത്തു അടിച്ചെടുക്കുക. ശേഷം ഇതിലേക്ക് നേരത്തെ ഇടഞ്ഞു വച്ച മൈദയുടെ പൊടിയും ചേർത്ത് മയത്തിൽ അടിച്ചെടുക്കുക. ഇത് ഒരു പൈപ്പിങ് ബാഗിലാക്കി ചൂടായ പാനിലേക്കു വട്ടത്തിൽ ചുറ്റിച്ചു പറോട്ട ഉണ്ടാക്കിയെടുക്കാം. രണ്ടു വശത്തും നെയ്യ് പുരട്ടി ചൂടോടെ വിളമ്പാം.
