അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുട്ടികൾക്കായി ജാം ഇനി വീട്ടിലുണ്ടാക്കാം. രുചികരമായ മിക്സസ് ഫ്രൂട്ട് ജാം റെസിപ്പി നോക്കാം. വളരെ എളുപ്പത്തിൽ തന്നെ തയ്യാറാക്കാം. റെസിപ്പി നോക്കിയാലോ?
ആവശ്യമായ ചേരുവകൾ
- ആപ്പിള്‍-5
- പപ്പായ-1
- മുന്തിരി-1 അരക്കില
- പഴം-3
- ചെറുനാരങ്ങാനീര്-2 സ്പൂണ്‍
- സിട്രിക് ആസിഡ്-3 സ്പൂണ്‍
- പഞ്ചസാര-1 കിലോ
തയ്യാറാക്കുന്ന വിധം
പഴങ്ങളുടെ തോലു കളഞ്ഞ് ഇവയെല്ലാം ചേര്‍ത്ത് വേവിക്കുക. ആപ്പിള്‍ വേവിച്ച ശേഷം തൊലി കളഞ്ഞാലും മതി. വേവിച്ച പഴങ്ങള്‍ നല്ലപോലെ ഉടയ്ക്കുകയോ അല്ലെങ്കില്‍ മിക്‌സിയില്‍ ഇട്ട് അടിക്കുകയോ ചെയ്യാം. പള്‍പ്പായി രൂപപ്പെടാനാണ് ഇത്. ഒരു പാത്രം ഗ്യാസ് സ്റ്റൗവില്‍ വച്ച് ചൂടാക്കുക. ഇതിലേക്ക് പള്‍പ്പൊഴിക്കണം. പഞ്ചസാര പള്‍പ്പിലേക്കു ചേര്‍ക്കുക. ഇത് നല്ലപോലെ ഇളക്കിക്കൊണ്ടിരിക്കണം. പഴങ്ങളിലെ വെള്ളം മുഴുവനായും വറ്റിത്തീരണം. ഇതിലേക്ക് സിട്രിക് ആസിഡും ചേര്‍ക്കാം. ഇത് ജാം പരുവത്തിലാകുന്നതു വരെ നല്ലപോലെ ഇളക്കുക. തീ കെടുത്തി ചെറുനാരങ്ങാനീരും ചേര്‍ത്ത് ഇളക്കണം.
