അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉച്ചയ്ക്ക് ഊണിന് രുചികരമായ ചേന മെഴുക്കുപെരട്ടി ഉണ്ടാക്കിയാലോ? വളരെ എളുപ്പത്തിൽ തന്നെ തയ്യാറാക്കാവുന്ന ഒരു കിടിലൻ ഐറ്റം.
ആവശ്യമായ ചേരുവകൾ
ചേന കഷ്ണങ്ങളാക്കിയത് – 2 കപ്പ്‌
തേങ്ങാകൊത്ത് – ¼ കപ്പ്‌ ആവശ്യമെങ്കില്‍
ചെറിയ ഉള്ളി – 8 എണ്ണം
കറിവേപ്പില – 1 ഇതള്‍
മല്ലിപൊടി – 1 ടേബിള്‍സ്പൂണ്‍
മുളകുപൊടി – 1 ടീസ്പൂണ്‍
കുരുമുളകുപൊടി – ½ ടീസ്പൂണ്‍
മഞ്ഞള്‍പൊടി – 1 നുള്ള്
വെളിച്ചെണ്ണ – 3 ടേബിള്‍സ്പൂണ്‍
കടുക് – ½ ടീസ്പൂണ്‍
ഉപ്പ് – ആവശ്യത്തിന്
തയ്യാറാക്കുന്ന വിധം
ചേന തൊലി കളഞ്ഞ് കഷ്ണങ്ങളായി (1 ഇഞ്ച്‌ നീളത്തില്‍) മുറിക്കുക. ചെറിയ ഉള്ളി ചെറുതായി അരിയുക. നോണ്‍സ്റ്റിക് പാത്രത്തില്‍ 3 ടേബിള്‍സ്പൂണ്‍ എണ്ണ ചൂടാക്കി കടുക് പൊട്ടിച്ച് ചെറിയ ഉള്ളിയും തേങ്ങാകൊത്തും ചേര്‍ത്തിളക്കുക. ഇത് ഗോള്‍ഡന്‍ നിറമാകുമ്പോള്‍ തീ കുറച്ച് മല്ലിപൊടി, മുളകുപൊടി, മഞ്ഞള്‍പൊടി എന്നിവ ചേര്‍ത്തിളക്കുക. ഇതിലേയ്ക്ക് ചേനയും, കറിവേപ്പിലയും, ആവശ്യത്തിന് ഉപ്പും, ½ കപ്പ്‌ വെള്ളവും ചേര്‍ത്തിളക്കി കുറഞ്ഞ തീയില്‍ അടച്ച് വച്ച് 10-12 മിനിറ്റ് വേവിക്കുക. വെന്തതിനു ശേഷം കുരുമുളകുപൊടി ചേര്‍ത്ത് യോജിപ്പിച്ച് തുറന്ന് വച്ച് 1-2 മിനിറ്റ് ഇടവിട്ട്‌ ഇളക്കി വേവിച്ചശേഷം തീ അണയ്ക്കുക.
