സാംസങിൻ്റെ പുതിയ മോഡലായ ഗാലക്‌സി F56 5G പുറത്തിറങ്ങി. ഫോണിന് സ്ലിം ബിൽഡ് ബോഡിയാണ് ഉള്ളത്. 8 ജിബി റാമുമായി ജോടിയാക്കിയ എക്‌സിനോസ് 1480 ചിപ്‌സെറ്റിൻ്റെ കരുത്തും ഫോണിനുണ്ട്. പുതിയ സാംസങ് ഗാലക്‌സി എഫ് 56 5G യുടെ അടിസ്ഥാന 8 ജിബി റാം + 128 ജിബി സ്റ്റോറേജ് വേരിയന്റിന് 25,999 രൂപയാണ് വില. 8 ജിബി റാം + 256 ജിബി സ്റ്റോറേജ് മോഡലിന് 28,999 രൂപയും വില വരും.
പച്ച, വയലറ്റ് കളര്‍ ഓപ്ഷനുകളാണ് ഫോണിന് ലഭിക്കുന്നത്. ആൻഡ്രോയിഡ് 15 അടിസ്ഥാനമാക്കിയുള്ള വൺ UI 7ലാണ് ഫോണിൻ്റെ പ്രവര്‍ത്തനം.1,200 നിറ്റ്‌സ് ഹൈ ബ്രൈറ്റ്‌നെസ് മോഡും (HBM) 120Hz റിഫ്രഷ് റേറ്റും ഉള്ള 6.7 ഇഞ്ച് ഫുൾ HD+ സൂപ്പർ AMOLED+ ഡിസ്‌പ്ലേയോട് കൂടിയാണ് ഫോണിൻ്റെ രൂപകല്‍പ്പന. ഡിസ്‌പ്ലേ വിഷൻ ബൂസ്റ്റർ സാങ്കേതികവിദ്യയാണ് ഫോണിൻ്റെ ഒരു പ്രധാന സവിശേഷത.ഹാൻഡ്‌സെറ്റിന് മുന്നിലും പിന്നിലും കോർണിംഗ് ഗൊറില്ല ഗ്ലാസ് വിക്ടസ് പ്ലസ് കോട്ടിംഗും സാംസങ് ഒരുക്കിയിട്ടുണ്ട്.
ഒപ്റ്റിക്‌സിലേക്ക് വന്നാല്‍, OIS-നുള്ള പിന്തുണയുള്ള 50-മെഗാപിക്സൽ മെയിൻ സെൻസർ നയിക്കുന്ന ട്രിപ്പിൾ റിയർ ക്യാമറ യൂണിറ്റാണ് ഫോണില്‍ സജ്ജീകരിച്ചിരിക്കുന്നത്. സെല്‍ഫികള്‍ക്കും വീഡിയോ കോളുകള്‍ക്കുമായി 12-മെഗാപിക്സൽ HDR സെൽഫി ക്യാമറയും ഫോണില്‍ ലഭ്യമാണ്.0-ബിറ്റ് HDR-ൽ 30fps-ൽ 4K വീഡിയോകൾ പകർത്താൻ ക‍ഴിയുന്ന ക്യാമറ കണ്ണുകളാണ് ഫോണിനുള്ളത്.45W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് സാംസങ് ഗാലക്‌സി F56 5G പായ്ക്ക് ചെയ്യുന്നത്.
content highlight: Samsung Galaxy F6 5G