അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ട്രെയിനിലെ ശുചിമുറിയിൽ നിന്നും യുവാവിന്റെ മൃതദേഹം കണ്ടെത്തി. അഹമ്മദാബാദ് – കൊൽക്കത്ത എക്സ്പ്രസിലാണ് സംഭവം. മദ്ധ്യപ്രദേശിലെ സാഗർ റെയിൽവേ സ്റ്റേഷനിൽ എത്തുന്നതിന് തൊട്ടുമുമ്പാണ് ട്രെയിനിലെ ഒരു യാത്രക്കാരൻ ശുചിമുറിയിൽ മൃതദേഹം കണ്ടെത്തിയത്. പിന്നീട് ട്രെയിൻ സ്റ്റേഷനിൽ പിടിച്ചിട്ടു.
ട്രെയിനിന്റെ പിൻഭാഗത്തുള്ള ജനറൽ കോച്ചിലെ ശുചിമുറിയിലായിരുന്നു മൃതദേഹം കണ്ടെത്തിയത്. ട്രെയിൻ ബിന ജംഗ്ഷൻ പിന്നിട്ട് സാഗറിൽ എത്തുന്നതിന് തൊട്ടുമുമ്പ് ഒരു യാത്രക്കാരൻ ശുചിമുറിയിൽ കയറാൻ ശ്രമിച്ചപ്പോൾ അകത്ത് യുവാവിന്റെ മൃതദേഹം കാണുകയായിരുന്നു. ഇയാൾ ഉടൻ തന്നെ ടിടിഇയെ വിവരം അറിയിച്ചു.
ടിടിഇയാണ് ട്രെയിൻ മാനേജർക്കും സംസ്ഥാന റെയിൽവേ പൊലീസിനും വിവരം കൈമാറിയത്. ഉച്ചയ്ക്ക് 2.10ന് ട്രെയിൻ സാഗർ സ്റ്റേഷനിലെത്തിയപ്പോൾ സംസ്ഥാന റെയിൽവേ പൊലീസ്, റെയിൽവേ സംരക്ഷണ സേന എന്നിവയിൽ നിന്നുള്ള ഉദ്യോഗസ്ഥർ കോച്ചിൽ കയറി പരിശോധിച്ചു. മൃതദേഹം ട്രെയിനിൽ നിന്ന് പുറത്തിറക്കി.
