ചപ്പാത്തി എന്നും ഒരുപോലെയാണോ തയ്യാറാക്കുന്നത്? ഇന്ന് അല്പം വ്യത്യസ്തമായി ഒരു ബീറ്റ്റൂട്ട് ചപ്പാത്തി ഉണ്ടാക്കിയാലോ?

ചപ്പാത്തി എന്നും ഒരുപോലെയാണോ തയ്യാറാക്കുന്നത്? ഇന്ന് അല്പം വ്യത്യസ്തമായി ഒരു ബീറ്റ്റൂട്ട് ചപ്പാത്തി ഉണ്ടാക്കിയാലോ? ഇത് കുട്ടികൾക്ക് തീർച്ചയായും ഇഷ്ടമാകും. റെസിപ്പി നോക്കാം.

ആവശ്യമായ ചേരുവകള്‍

• ബീറ്റ്റൂട്ട് നുറുക്കിയത്- ഒന്ന്
• വെള്ളം- അരക്കപ്പ്
• ഗോതമ്പുമാവ്- രണ്ടുകപ്പ്
• ബട്ടര്‍- ഒരുടീസ്പൂണ്‍
• ഉപ്പ്- ഒരുടീസ്പൂണ്‍
• കുരുമുളകുപൊടി- ഒരുടീസ്പൂണ്‍
• എണ്ണ- ഒരുടീസ്പൂണ്‍

തയ്യാറാക്കുന്നവിധം

തൊലികളഞ്ഞ് ബീറ്റ്റൂട്ട് നുറുക്കണം, അതിലേക്ക് അരകപ്പ് വെള്ളമൊഴിച്ച് അരയ്ക്കുക. ഒരു ബൗളില്‍ ഗോതമ്പുമാവിട്ട് ഉപ്പ്, കുരുമുളകുപൊടി, ബട്ടര്‍, ബീറ്റ്റൂട്ട് അരച്ചത് എന്നിവ ചേര്‍ത്ത് കുഴയ്ക്കുക. ഒരുമണിക്കൂര്‍ മാവ് മാറ്റിവെക്കണം. എന്നിട്ട് ഉരുട്ടി ചപ്പാത്തി ചുട്ടെടുക്കാം.