അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാവിലെ എന്നും ഒരുപോലെയുള്ള ഭക്ഷണമാണോ തയ്യാറാക്കുന്നത്? ഇന്ന് അല്പം വ്യത്യസ്തമായി ഒരു വെറൈറ്റി പത്തിരി ഉണ്ടാക്കിയാലോ? രുചികരമായ തേങ്ങാ പത്തിരി റെസിപ്പി നോക്കാം.
ആവശ്യമായ ചേരുവകൾ
- പത്തിരി പൊടി :- 1.5 കപ്പ്
- ചെറിയ ഉള്ളി അരിഞ്ഞത് :- 5 – 6 എണ്ണം
- ജീരകം :- അര ടീ സ്പൂണ്
- തേങ്ങ ചിരകിയത് :- 3/4 കപ്പ്
- ഉപ്പ്
- വെള്ളം:- 2 കപ്പ്
തയ്യാറാക്കുന്ന വിധം
വെള്ളത്തിലേക്ക് ഉപ്പും, ചെറിയ ഉള്ളി അരിഞ്ഞതും, ജീരകവും , തേങ്ങയും ചേർത്തു തിളപ്പിക്കുക. തിളച്ചു കഴിഞ്ഞു തീ കുറച്ചു വെച്ചു അരിപ്പൊടി ചേർത്തിളക്കി തീ ഓഫ് ആക്കാം. ഒരു 5 മിനിറ്റ് മൂടി വെച്ച ശേഷം കൈയിൽ അല്പം എണ്ണ തടവി നന്നായി കുഴച്ചു മയപ്പെടുത്തുക. ശേഷം കുറച്ചു കുറച്ചു മാവ് ബോൾ ആക്കി എടുത്ത് കുറച്ചു പൊടി തൂവി പരത്തി എടുത്ത് ചൂടായ തവയിൽ ഇട്ട് ചുട്ടെടുക്കുക.
