അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സാസംങിന്റെ ഫ്ലാഗ്ഷിപ്പ് ഫോൺ ഗാലക്സി എസ് 25 എഡ്ജ് പുറത്തിറക്കികൊണ്ട് സാംസങ് അവരുടെ ഗാലക്സി എസ് 25 ശ്രേണി വിപുലീകരിച്ചു. ഭാരം കുറഞ്ഞതും മെലിഞ്ഞതുമായ രൂപകൽപ്പനയാണ്.
ഒരു ഓൺലൈൻ ഇവന്റിലൂടെയാണ് ഫോൺ ഇന്ത്യയിൽ പുറത്തിക്കിയത്. ഈ പുതിയ ഫോണിന് വെറും 5.8 എംഎം കനമാണുള്ളത്, ഇത് പ്രീമിയം ഗാലക്സി എസ് സീരീസിന് കീഴിൽ കമ്പനി ഇതുവരെ പുറത്തിറക്കിയതിൽ വച്ച് ഏറ്റവും മെലിഞ്ഞ സ്മാർട്ട്‌ഫോണുകളിൽ ഒന്നായി മാറുന്നു. യുഎസിൽ, ഈ ഉപകരണത്തിന്റെ വില 099 രൂപയാണ് (ഏകദേശം 94,000 രൂപ). ഗാലക്സി എസ് 25 എഡ്ജിന്റെ 12 ജിബി റാം + 256 ജിബി സ്റ്റോറേജ് ഇന്ത്യയിൽ 109,999 രൂപ പ്രാരംഭ വിലയ്ക്ക് വിൽപ്പനയ്‌ക്കെത്തും, അതേസമയം അതിന്റെ 12 ജിബി + 512 ജിബി മോഡലിന് 121,999 രൂപ വിലവരും.
1Hz മുതൽ 120Hz വരെയുള്ള അഡാപ്റ്റീവ് റിഫ്രഷ് റേറ്റ് പിന്തുണയ്ക്കുന്ന 6.7 ഇഞ്ച് ക്വാഡ് HD+ AMOLED ഡിസ്‌പ്ലേയാണ് ഗാലക്സി S25 എഡ്ജിൽ ഉള്ളത്. സ്‌ക്രീനിന്റെ സംരക്ഷണത്തിനായി സാംസങ് കോർണിംഗ് ഗൊറില്ല ഗ്ലാസ് സെറാമിക് 2 ഉപയോഗിച്ചിട്ടുണ്ട്, ഇത് മൊത്തത്തിലുള്ള ഈട് വർദ്ധിപ്പിക്കുന്നു. പ്രകടനത്തിൽ വിട്ടുവീഴ്ച ചെയ്യാതെ ഭാരം കുറഞ്ഞ ബിൽഡ് ഇഷ്ടപ്പെടുന്ന ഉപയോക്താക്കളെ ലക്ഷ്യമിട്ട് ടൈറ്റാനിയം ഫ്രെയിമും വെറും 163 ഗ്രാം ഭാരവുമാണ് ഫോണിനുള്ളത്.
