കൊല്ലം: കിളികൊല്ലൂരിൽ പൊറോട്ട നൽകിയില്ലെന്ന കാരണത്താൽ കടയുടമയെ ആക്രമിച്ച കേസിൽ ഒളിവിലായിരുന്ന ഒരു യുവാവ് കൂടി അറസ്റ്റിലായി. കരിക്കോട് സ്വദേശി മുഹമ്മദ്‌ റാഫി ആണ് പിടിയായത്. ഇതോടെ പ്രതികളുടെ എണ്ണം രണ്ടായി. നേരത്തെ ഒന്നാം പ്രതി മങ്ങാട് സ്വദേശിയെ അറസ്റ്റ് ചെയ്തിരുന്നു.
സംഘം മുക്കിലെ സെന്റ് ആന്റണി ടീ സ്റ്റാള്‍ ഉടമ അമല്‍ കുമാറിനെയാണ് ഇരുവരും ചേർന്ന് മർദ്ദിച്ചത്. കടയുടമയുടെ തലയ്ക്കടിച്ച് പരിക്കേൽപ്പിക്കുകയായിരുന്നു. അമൽ കുമാറിന്റെ പരാതിയിലാണ് ഒളിവിലായിരുന്ന പ്രതികളെ കിളിക്കൊല്ലൂർ പൊലീസ് അറസ്റ്റ് ചെയ്തത്.