നാലുമണിയ്ക്ക് ചായക്ക് നല്ല സ്വാദൂറുന്ന പഴംപൊരി ആയാലോ?

വൈകീട്ട് ചായക്കൊപ്പം കഴിക്കാൻ ഒരു കിടിലൻ സ്നാക്ക് ഉണ്ടാക്കിയാലോ? നല്ല സ്വാദൂറുന്ന പഴംപൊരിയുടെ റെസിപ്പി നോക്കിയാലോ?

ആവശ്യമായ ചേരുവകള്‍

• നേന്ത്രപ്പഴം – 2
• പഞ്ചസാര – പാകത്തിന്
• ബേക്കിംഗ് പൌഡര്‍ – ഒരു നുള്ള്
• മഞ്ഞള്‍പ്പൊടി – ഒരു നുള്ള്
• മുട്ട – 1
• മൈദ മാവ് – 150 ഗ്രാം
• വെളിച്ചെണ്ണ – വറുക്കാന്‍ പാകത്തിന്

തയ്യാറാക്കുന്ന വിധം

പഴം രണ്ടായി കീറി നാലായി മുറിക്കുക. അതിനുശേഷം മാവ്, പഞ്ചസാര, ബേക്കിംഗ് പൌഡര്‍, മഞ്ഞള്‍പ്പൊടി, മുട്ട എന്നിവ പാകത്തിന് വെള്ളം ചേര്‍ത്ത് കുഴയ്ക്കുക. അതിലേക്ക് പഴം കീറിയത് മാവില്‍ മുക്കി വെളിച്ചെണ്ണ ചൂടാക്കി വറുക്കുക.