അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഗോതമ്പ് പൊടി വെച്ച് ഒരു കിടിലൻ ദോശ ഉണ്ടാക്കിയാലോ? കുട്ടികൾക്കും മുതിർന്നവർക്കുമെല്ലാം ഒരുപോലെ ഇഷ്ടമാകുന്ന ഒരു ദോശ റെസിപ്പി.
ആവശ്യമായ ചേരുവകൾ
- ഗോതമ്പ് പൊടി ( ആട്ട) 2 കപ്പ്
- സവാള 2 എണ്ണം
- പച്ചമുളക് 3 എണ്ണം
- ഇഞ്ചി 4 ടീസ്പൂൺ
- മഞ്ഞൾപൊടി 1/4 ടീസ്പൂൺ
- കുരുമുളക് പൊടി 1/4 ടീസ്പൂൺ
- കായ പൊടി 2 നുള്ള്
- ഉപ്പ്, എണ്ണ, കടുക് പാകത്തിന്
- കറിവേപ്പില 1 തണ്ട്
തയ്യാറാക്കുന്ന വിധം
ആദ്യം ഗോതമ്പ് പൊടി, ഉപ്പ്, പാകത്തിന് വെള്ളം ഇവ ചേർത്ത് ദോശമാവിന്റെ അയവിൽ കലക്കി വയ്ക്കുക. ശേഷം സവാള, പച്ചമുളക് ഇവ ചെറുതായി അരിഞ്ഞ് വയ്ക്കുക. ശേഷം പാൻ എണ്ണ ഒഴിച്ച് ചൂടായി കഴിഞ്ഞാൽ കടുക് പൊട്ടിച്ച്, സവാള, പച്ചമുളക്, ഇഞ്ചി ഇവ ചേർത്ത് വഴറ്റുക. (കുറച്ച് കാരറ്റ്, തേങ്ങ ഇവ കൂടി ചേർക്കാവുന്നതാണ് ഇഷ്ടമുള്ളവർക്ക്). ഇനി ഈ കൂട്ട് കലക്കി വച്ചിരിക്കുന്ന ഗോതമ്പ് മാവിലേക്ക് ചേർത്ത് ഇളക്കി നന്നായി മിക്സ് ചെയ്യുക. 20 മിനിറ്റ് മാവ് മാറ്റി വച്ച ശേഷം ദോശ ചുടാൻ തുടങ്ങുക.
