അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വൈകീട്ട് ചായക്കൊപ്പം കഴിക്കാൻ ഒരു കിടിലൻ മുളക് ബജി ആയാലോ? കുട്ടികൾക്കും മുതിർന്നവർക്കുമെല്ലാം ഒരുപോലെ ഇഷ്ടമാകുന്ന ഒരു റെസിപ്പി.
ആവശ്യമായ ചേരുവകള്‍
- ബജി മുളക്- വേണ്ട എണ്ണമെടുക്കാം
- കടലമാവ് – ആവശ്യത്തിന്
- മുളകുപൊടി -1 ടീസ്പൂണ്‍
- മഞ്ഞള്‍പൊടി -1/2 ടീസ്പൂണ്‍
- കായപ്പൊടി- 1/2 ടീസ്പൂണ്‍
- ഉപ്പ്- ആവശ്യത്തിന്
- വെള്ളം – ആവശ്യത്തിന്
- വെളിച്ചെണ്ണ-ആവശ്യത്തിന്
തയ്യാറാക്കുന്ന വിധം
ബജി മുളക് നീളത്തില്‍ അരിയുക. ശേഷം കടലമാവില്‍ മുളകുപൊടിയും മഞ്ഞള്‍പൊടിയും കായപ്പൊടിയും ഉപ്പും ആവശ്യത്തിനു വെള്ളവും ചേര്‍ത്ത് ഇളക്കുക. കടലമാവ് കട്ടയാവാതെ നല്ലത് പോലെ ഉടച്ചെടുക്കണം. അരിഞ്ഞു വയ്ച്ചിരിക്കുന്ന മുളക് ഓരോ കഷ്ണമായി മാവില്‍ മുക്കി എണ്ണയില്‍ വറുക്കുക. മുളകു ബജി റെഡി. ഇനി തക്കാളി ചമ്മന്തിയോ ചില്ലി സോസോ ഒക്കെ ചേര്‍ത്ത് കഴിച്ചാല്‍ മാത്രം മതി.
