അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ശ്വാസകോശത്തിൽ പരുക്കുകളും കട്ടിയുള്ള പാളികൾ മൂലവും ഉണ്ടാകുന്ന ഗുരുതര രോഗങ്ങളാണ് ഇന്റർസ്റ്റിഷ്യൽ ലങ് ഡിസീസുകൾ അഥവാ ഐ.എൽ.ഡി. ഈ രോഗം ബാധിച്ചവർക്ക് ശ്വസന പ്രക്രിയ ഏറെ വിഷമകരവും കഠിനവുമാവും. പലരുടെയും രോഗങ്ങൾ പക്ഷെ വൈകിയാണ് തിരിച്ചറിയുന്നത് എന്നതു കൊണ്ട് തന്നെ ചികിത്സയും ഫലപ്രദമാകുന്നില്ല.
ഈ സാഹചര്യം മാറ്റുക എന്ന ലക്ഷ്യത്തോടെയാണ് ബിൽഡ് സമ്മേളനം 2025 കൊച്ചിയിൽ സംഘടിപ്പിക്കുന്നത്. മെയ് 24, 25 തീയതികളിൽ കൊച്ചി വിവാന്ത ബൈ താജ് ഹോട്ടലിൽ സംഘടിപ്പിക്കുന്ന സമ്മേളനം, ദക്ഷിണേന്ത്യയിലെ ആദ്യത്തെ ഐ. എൽ. ഡി. യോഗം കൂടിയാണ് .
ഐ.എൽ.ഡി. രോഗത്തെക്കുറിച്ചുള്ള പുതിയ അറിവുകളും, വ്യത്യസ്ത ചികിത്സാ രീതികളും ക്ലിനിക്കൽ പരിശീലനങ്ങളും പങ്കുവെയ്ക്കുന്ന ഒരു വിപുലമായ വേദിയായിരിക്കും ഈ സമ്മേളനം.
കൊച്ചി അമൃത ആശുപത്രിയിലെ ശ്വാസകോശ രോഗ വിഭാഗം മേധാവി ഡോ. അസ്മിത മേഹ്ത്തയുടെ നേതൃത്വത്തിൽ നടക്കുന്ന സമ്മേളനത്തിൽ റോയൽ ബ്രോംപ്ടൺ ആശുപത്രിയിലെ കൺസൾട്ടന്റ് റസ്പിറേറ്ററി ഫിസിഷ്യനും, ഇംപീരിയൽ കോളേജ് ലണ്ടനിലെ പ്രൊഫസറുമായ ഡോ അതോൽ വെൽസ്, ഇറ്റലിയിൽനിന്നും പ്രഫ. ക്ലൗഡിയ റവാഗ്ലിയ, ശ്രീലങ്കയിൽ നിന്നും ഡോ. അമില രത്നപാല, ഇന്ത്യയിലെ ഐ.എൽ.ഡി. വിദഗ്ധാരായ. ഡോ ദീപക് തൽവാർ, ഡോ. സുജിത് രാജൻ എന്നിവരടക്കം നൂറിലധികം വിദഗ്ധരും സമ്മേളനത്തിൽ പങ്കെടുക്കും.
ശ്വാസകോശ വിദഗ്ധർ, റേഡിയോളജിസ്റ്റുകൾ, പാത്തോളജിസ്റ്റുകൾ, റ്യൂമറ്റോളജിസ്റ്റുകൾ എന്നിവർ ചേർന്ന് സംയുക്തമായ തീരുമാനങ്ങൾ എടുക്കുന്ന വേദി കൂടിയായി ഈ സമ്മേളനം മാറും. അത് വഴി വലിയ ചികിത്സാ മുന്നേറ്റമാവും ഈ മേഖലയിൽ ഉണ്ടാവുക.
STORY HIGHLIGHT: Build Conference 2025
