അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: അടുത്ത നാല് ദിവസത്തിനകം തെക്കു പടിഞ്ഞാറൻ കാലവർഷം കേരളത്തിൽ എത്തുമെന്ന് കേന്ദ്ര കാലാവസ്ഥാ വകുപ്പ്. 27ന് എത്തുമെന്നായിരുന്നു ആദ്യ പ്രവചനമെങ്കിലും 4 ദിവസത്തിനകം എത്തുമെന്നാണു പുതുക്കിയ പ്രവചനം. അറബിക്കടലിൽ ഇന്നു ന്യൂനമർദത്തിനു സാധ്യതയേറി.
അടുത്ത 5 ദിവസം സംസ്ഥാനത്ത് വ്യാപകമായ മഴയ്ക്കു സാധ്യതയെന്ന് കേന്ദ്ര കാലാവസ്ഥാ വകുപ്പ്. വടക്കൻ ജില്ലകളിൽ ഇന്നു മഴ ശക്തമാകും. കാസർകോട്, കണ്ണൂർ ജില്ലകളിൽ ഇന്ന് യെലോ അലർട്ട് ആണ്. അതിശക്തമായ മഴയ്ക്കു സാധ്യതയുള്ളതിനാൽ പത്തനംതിട്ട, ഇടുക്കി, എറണാകുളം, തൃശൂർ ജില്ലകളിൽ നാളെയും കോഴിക്കോട്, കണ്ണൂർ, വയനാട്, കാസർകോട് ജില്ലകളിൽ 24നും 25നും ഓറഞ്ച് അലർട്ട് പ്രഖ്യാപിച്ചു.
