അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരപ്പള്ളി – വാൽപ്പാറ യാത്ര ഒരു ദൃശ്യാനുഭവം തന്നെ… ഞങ്ങൾ അതിരപ്പള്ളി വഴി ആണ് വാൽപ്പാറ എത്തി ചേർന്നത്. മാരുതി സുസുകി ആൾട്ടോ k10 ഐ ആയാസത്തോടെ ഞങ്ങളെ വലിച്ചു. കാനന ഭംഗി ആസ്വദിച്ചു പോകാൻ ആഗ്രഹിക്കുന്നവർക്ക് ഉതകുന്ന പാതയാണത്. അതിരപ്പള്ളിയിൽ ഫോറെസ്റ് ചെക്ക് പോസ്റ് ഉണ്ട്. നമ്മൾ പോകുന്ന സ്ഥലവും വണ്ടിയുടെ നമ്പറും ഇവിടെ രേഖപ്പെടുത്തേണ്ടതുണ്ട്. വണ്ടി ഫോറെസ്റ് ഓഫീസർ പരിശോധിച്ചതിനു ശേഷമേ പോകുവാൻ അനുവാദം നൽകുകയുള്ളൂ. പോകുന്ന വഴി നിബിഡ വനം ആയതിനാൽ എവിടെയും നിർത്തരുതെന്ന നിർദേശവും നമുക്ക് കിട്ടും. മഴക്കാലത്തു വാൽപ്പാറക്ക്‌ ഭംഗി കൂടും. തേയില തോട്ടങ്ങൾ നിറഞ്ഞ ഭാഗങ്ങൾ ഒരുപാട് ഉണ്ട് അവിടെ. താമസ സൗകര്യം ഒരുപാടുള്ള നല്ല ഒരു ടൗൺ ആണ് വാൽപ്പാറ. സമയം ഉണ്ടെങ്കിൽ കാണുവാൻ ഉള്ള ഒരുപാട് സ്ഥലങ്ങൾ ഉണ്ട്. കാണേണ്ട സ്ഥലങ്ങളെ പറ്റിയുള്ള വിവരങ്ങൾ ഹോട്ടൽ അധികൃതരുടെ പക്കലിൽ നിന്നും ലഭിക്കും. തിരിച്ചു വരാൻ ഞങ്ങൾ തിരഞ്ഞെടുത്ത പാത ആളിയാർ – പൊള്ളാച്ചി വഴിയാണ്.ഒരുപാട് വ്യൂപോയിന്റ്‌സും ഹയർ പിൻ ബെൻഡ് ഉം ഉള്ള പാത. പോകുന്ന വഴിക്കു തന്നെ ആണ് മൊൻകീ ഫാൾസ് വെള്ള ചാട്ടം. ഒമ്പതാമത്തെയും പതിനൊന്നാമത്തേയും ഹെയർപിൻ ബെന്റുകളിൽ നിന്നുള്ള ആളിയാർ ഡാമിന്റെ വിദൂര ദൃശ്യം മനോഹരം തന്നെ. നീലഗിരി താർ ഇവിടെയുള്ള മലകളിൽ മേഞ്ഞു നടക്കുന്നത് കാണാം.തികച്ചും അവിസ്മരണീയമായ ഒരു യാത്ര. എന്ടെ സഞ്ചാരി സുഹൃത്തുക്കളെ, നിങ്ങളും ഒരിക്കൽ ഇവിടെ പോകണം.
അവിടേക്ക് പോകുന്നവർ ഒരു കാര്യം ശ്രദ്ധിക്കുക.. ഒറ്റക്ക് പോകരുത്.. കാരണം മറ്റൊന്നും അല്ല..
1- 2 വീലർ ആണെങ്കിൽ പോകും മുൻപ് വണ്ടി ഒന്നു ചെക്ക് ചെയ്യുക ഒരു കുഴപ്പവും ഇല്ലെങ്കിൽ മാത്രം യാത്രക്ക് ഒരുങ്ങുക..
2- നല്ല tyre ,air pressure, fuel എന്നിവ ഉറപ്പു വരുത്തിയിട്ട് മാത്രം യാത്ര തുടങ്ങുക..
ചാലക്കുടിയിൽ നിന്നും ആവശ്യത്തിനു വേണ്ട സാധനങ്ങൾ. ( വെള്ളം, ഇന്ധനം) എന്നിവ കരുതുക.. ( അതിരപ്പള്ളി യിൽ tyre ചെക്ക് ചെയ്യുക,, ഏകദേശം പത്തറുപത് km ആളും അനക്കവും ഉണ്ടാവില്ല.. പറന്നു പോകരുത്. ഒരു അപകടം പറ്റിയാൽ നോക്കാൻ പോലും ആരും കാണില്ല.. വണ്ടിക്ക് എന്തെങ്കിലും പറ്റിയാൽ പെട്ടത് തന്നെ,, അമിത വേഗവും അനാവശ്യ നിയത്രണവും വേണ്ട.. അപ്രതീക്ഷമായി വലിയ കുഴികൾ ഉണ്ട് വഴിയിൽ.. വീതി കുറഞ്ഞ വഴിയാണ്.. opposit ഒരു വാഹനം വന്നാൽ ചിലപ്പോൾ വെട്ടിച്ചു മാറ്റാൻ പോലും പറ്റിയില്ല എന്നു വരും .
