അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരു സാധനം ഓർഡർ ചെയ്താൽ പലപ്പോഴും പറയുന്ന സമയം കഴിഞ്ഞാണ് ഡെലിവറി നടക്കുന്നത്. ഇത് കേവലമൊരു ഓൺലൈൻ പ്ലാറ്റ്ഫോമിന്റെ മാത്രം പ്രശ്നമല്ല. എന്താണ് ഇതിന് പരിഹാരമെന്നുള്ളത് ഇത്തരം കമ്പനികൾ ആലോചിക്കേണ്ടുന്ന കാര്യമാണ്. ഇപ്പോഴിതാ പ്രമുഖ ഗ്രൂപ്പായ ആമസോൺ പരിഹാരമായ ഡ്രോണ്‍ ഡെലിവറി സംവിധാനം ആരംഭിച്ചിരിക്കുകയാണ്. പ്രൈം എയര്‍ എന്നാണ് ഈ സംവിധാനത്തിന്റെ പേര്.
ഡെലിവറി സമയം ഒരു മണിക്കൂറായി കുറയ്ക്കുക എന്നതാണ് പുതിയ സേവനത്തിന്റെ ലക്ഷ്യം. ഐഫോണുകളും മറ്റ് ഇലക്ട്രോണിക്‌ ഗാഡ്‌ജെറ്റുകളും ഡെലിവറി ചെയ്യുന്ന രീതി മാറ്റുകയാണ് കമ്പനിയുടെ ലക്ഷ്യം. യുഎസിലെ ടെക്‌സസ്, അരിസോണ തുടങ്ങിയ തെരഞ്ഞെടുത്ത നഗരങ്ങളിലെ ഉപഭോക്താക്കള്‍ക്ക് ഇപ്പോള്‍ അതിവേഗ ഡെലിവറി സേവനം ഉപയോഗിക്കാം. ഐഫോണ്‍, സാംസങ് ഗാലക്‌സി ഫോണുകള്‍, എയര്‍പോഡുകള്‍, എയര്‍ടാഗുകള്‍, സ്മാര്‍ട്ട് റിങ്ങുകള്‍, വിഡിയോ ഡോര്‍ബെല്ലുകള്‍ എന്നിവ പോലുള്ള ഉല്‍പ്പന്നങ്ങള്‍ ആമസോണിന്റെ പുതിയ എകെ30 ഡ്രോണുകള്‍ ഉപയോഗിച്ച് ഡെലിവറി ചെയ്യാം. ഈ ഡ്രോണുകള്‍ ഒരു മണിക്കൂറിനുള്ളില്‍ ചിലപ്പോള്‍ വെറും 10 മിനിറ്റിനുള്ളില്‍ ഉപയോക്താക്കള്‍ക്ക് സാധനങ്ങള്‍ വീട്ടിലെത്തിക്കും. ആമസോണ്‍ ഔദ്യോഗിക എക്‌സ് അക്കൗണ്ടിലൂടെ ഇക്കാര്യം അറിയിച്ചു.
Exciting update in drone delivery from Amazon: Prime Air is now expanding its selection to include popular electronics with lithium-ion batteries, like phones, AirTags, and even grilling thermometers.
Customers who are in eligible areas for drone delivery in Texas and Arizona… pic.twitter.com/wQSpUTE4tu
— Amazon (@amazon) May 20, 2025
നിങ്ങളുടെ വീടിനടുത്തുള്ള ഒരു യാര്‍ഡ് അല്ലെങ്കില്‍ തുറസ്സായ സ്ഥലം പോലുള്ള സുരക്ഷിതമായ സ്ഥലങ്ങള്‍ സ്‌കാന്‍ ചെയ്യാന്‍ എംകെ30 ഡ്രോണുകള്‍ക്ക് കഴിയും. അവ ഏകദേശം 13 അടി ഉയരത്തില്‍ പറന്ന് പാക്കുകള്‍ കേടുപാടുകള്‍ സംഭവിക്കാതെ താഴെയിടും. നേരത്തെ ഡെലിവറി സ്ഥലങ്ങള്‍ കണ്ടെത്താന്‍ ഡ്രോണുകള്‍ ക്യൂആര്‍ കോഡുകളെയാണ് ആശ്രയിച്ചിരുന്നത്, എന്നാല്‍ ഇപ്പോള്‍ എവിടെയാണ് ഡെലിവറി ചെയ്യേണ്ടതെന്ന് ഡ്രോണുകള്‍ തന്നെ കണ്ടെത്തുന്നു.
ഡ്രോണ്‍ ഡെലിവറിക്കായി 60,000ലധികം ഭാരം കുറഞ്ഞ ഉല്‍പ്പന്നങ്ങള്‍ ആമസോണ്‍ തെരഞ്ഞെടുത്തിട്ടുണ്ട്. 2 കിലോയില്‍ താഴെ ഭാരമുള്ള വസ്തുക്കളാണ് ഡ്രോണ്‍ ഡെലിവറി ചെയ്യുക. ഈ സംവിധാനം നിലവില്‍ യുഎസ് നഗരങ്ങളില്‍ മാത്രമേ ലഭ്യമാകൂവെങ്കിലും, ഉടന്‍ തന്നെ ഇന്ത്യ ഉള്‍പ്പെടെയുള്ള മറ്റ് ആഗോള വിപണികളില്‍ എത്തുമെന്നാണ് പ്രതീക്ഷ.
content highlight: Prime Air Drone Delivary
