രാജ്യത്ത് സൈനിക സ്‌കൂളുകളില്‍ ഒന്നാം സ്ഥാനം നേടി കഴക്കൂട്ടം സൈനിക സ്‌കൂള്‍

2024-25 അധ്യയന വര്‍ഷത്തിലെ സി.ബി.എസ്.ഇ പ്ലസ് ടു ബോര്‍ഡ് പരീക്ഷകളില്‍ 33 സൈനിക സ്‌കൂളുകളിലും ഒന്നാം സ്ഥാനം കരസ്ഥമാക്കി കഴക്കൂട്ടം സൈനിക സ്‌കൂള്‍ വീണ്ടും അക്കാദമിക് മികവ് തെളിയിച്ചു. മികച്ച സ്ഥിരതയും മികവും പ്രകടിപ്പിച്ചുകൊണ്ട്, സ്‌കൂള്‍ പത്താം ക്ലാസിലും പ്ലസ് ടുവിലും ശ്രദ്ധേയമായ 100% വിജയം നേടി.

പ്ലസ് ടുവില്‍ 80 കാഡറ്റുകളും മികച്ച വിജയം നേടി. ഇതില്‍ 21 പേര്‍ 90% ന് മുകളില്‍ മാര്‍ക്ക് നേടി, ബാക്കിയുള്ളവര്‍ ഒന്നാം ക്ലാസ് മാര്‍ക്ക് (60% ഉം അതില്‍ കൂടുതലും) നേടി, ഇതില്‍ 45 പേര്‍ക്ക് ഡിസ്റ്റിംഗ്ഷനും ലഭിച്ചു. കേഡറ്റ് മാധവ് മേനോന്‍ 488 മാര്‍ക്കുമായി (97.6%) സ്‌കൂള്‍ ടോപ്പറായി.

സ്‌കൂളിലെ പ്രിന്‍സിപ്പലിന്റെയും, അധ്യാപകരുടെയും , എല്ലാ അക്കാദമിക് സ്റ്റാഫുകളുടെയും സമര്‍പ്പിത പരിശ്രമത്തിലൂടെയാണ് മികച്ച പ്രകടനം സാധ്യമായത്.

രാജ്യത്തുടനീളമുള്ള 33 സൈനിക് സ്‌കൂളുകളില്‍ പ്ലസ് ടു ഫലങ്ങളില്‍ കഴിഞ്ഞ വര്‍ഷം രണ്ടാം സ്ഥാനത്തായിരുന്ന കഴക്കൂട്ടം സൈനിക് സ്‌കൂള്‍ ഈ വര്‍ഷം ഒന്നാം സ്ഥാനത്തേക്ക് ഉയര്‍ന്നുവന്നതിലൂടെയും പത്താം ക്ലാസിലും ഗണ്യമായ മുന്നേറ്റം നടത്തിയതിലൂടെയും അക്കാദമിക് നേട്ടത്തില്‍ സുവര്‍ണ്ണ നിലവാരം സ്ഥാപിക്കുന്നത് തുടരുന്നു.

ഈ നേട്ടം കേഡറ്റുകളുടെ കഠിനാധ്വാനം, അച്ചടക്കം, നിരന്തരപ്രയത്നം എന്നിവയെ പ്രതിഫലിപ്പിക്കുക മാത്രമല്ല, സ്‌കൂളിലെ ഫാക്കല്‍റ്റിയുടെ അചഞ്ചലമായ പിന്തുണയും സമര്‍പ്പണവും പ്രകടമാക്കുന്നു.

CONTENT HIGH LIGHTS; Kazhakoottam Military School ranks first among military schools in the country