അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരോഗ്യത്തിന് ഗുണം ചെയ്യുന്ന രണ്ട് പാനീയങ്ങളാണ് ഗ്രീന്‍ ടീയും, ബ്ലാക്ക് കോഫിയും. എന്നാല്‍ ഈ രണ്ട് പാനീയങ്ങളക്കും അതിന്റേതായ ഗുണങ്ങളുമുണ്ട് ദോഷങ്ങളുമുണ്ട്. ശരീരഭാരം കുറയ്ക്കാന്‍ കൂടുതല്‍ പേരും ഗ്രീന്‍ ടീയെയാണ് സമീപിക്കുന്നത്. പക്ഷേ ബ്ലാക്ക് കോഫിക്കും ഇതെ ഗുണങ്ങളുണ്ടെന്ന് പലര്‍ക്കും അറിയില്ല. ഇവയില്‍ ഏതാണ് ആരോഗ്യത്തിന് മികച്ചതെന്ന സംശയം പലര്‍ക്കുമുണ്ട്. എന്നാല്‍ ഇനി അത് വേണ്ടാ. നോക്കാം ഇവയുടെ ഗുണങ്ങള്‍…..
ഗ്രീന്‍ ടീ
ഗ്രീന്‍ ടീയിലെ തിയാനിനും മറ്റ് അവശ്യ അമിനോ ആസിഡുകളും പ്രകൃതിദത്തമായ ആന്റി ഡിപ്രസന്റായി പ്രവര്‍ത്തിക്കുകയും സമ്മര്‍ദ്ദം, ഉത്കണ്ഠ എന്നിവയില്‍ നിന്ന് ആശ്വാസം നല്‍കുകയും ചെയ്യുന്നു. കഫീന്‍ അടങ്ങിയ മറ്റ് പാനീയങ്ങളുമായി താരതമ്യപ്പെടുത്തുമ്പോള്‍ ഗ്രീന്‍ ടീയില്‍ കഫീന്‍ കുറവാണ്.
ധാരാളം പോഷക ഗുണങ്ങള്‍ അടങ്ങിയ പാനീയമാണ് ഗ്രീന്‍ ടീ. ശരീരത്തിലെ എല്‍ഡിഎല്‍ അല്ലെങ്കില്‍ ചീത്ത കൊളസ്‌ട്രോള്‍ കുറയ്ക്കാന്‍ ഗ്രീന്‍ ടീയില്‍ അടങ്ങിയിട്ടുള്ള കാറ്റെച്ചിനുകള്‍ സഹായിക്കും. ആന്റിഓക്സിഡന്റുകള്‍, ഫ്ളേവനോയിഡുകള്‍, ഫൈറ്റോ ന്യൂട്രിയന്റുകള്‍ തുടങ്ങിയവ അടങ്ങിയിട്ടുള്ളതിനാല്‍ ഗ്രീന്‍ ടീ ആരോഗ്യപരമായും സൗന്ദര്യപരമായും ധാരാളം ഗുണങ്ങള്‍ നല്‍കുന്നു.
ഗ്രീന്‍ ടീ പതിവായി കുടിക്കുന്നത് രോഗ പ്രതിരോധ ശക്തി വര്‍ധിപ്പിക്കാന്‍ സഹായിക്കും. ഗ്രീന്‍ ടീയില്‍ അടങ്ങിയിരിക്കുന്ന ആന്റി ഓക്സിഡന്റുകള് പല തരത്തിലുള്ള കാന്‍സറുകളുടെ സാധ്യത കുറയ്ക്കുന്നതിന് വളരെ സഹായകമാണെന്നാണ് വിദഗ്ധര്‍ പറയുന്നു. ടൈപ്പ്-2 പ്രമേഹരോഗികള്‍ക്ക് ഗ്രീന്‍ ടീ വളരെ ഗുണം ചെയ്യും. ഇന്‍സുലിന്‍ സംവേദനക്ഷമത മെച്ചപ്പെടുത്തുന്നതിനൊപ്പം രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇത് സഹായിക്കും.
ബ്ലാക്ക് കോഫി
ധാരാളം ആരോഗ്യ ഗുണങ്ങളുള്ള ഒന്നാണ് ബ്ലാക്ക് കോഫി. ഭാരം കുറയ്ക്കാന്‍ മികച്ച പാനീയമാണ് ബ്ലാക്ക് കോഫി അഥവാ കട്ടന്‍ കാപ്പി എന്നാണ് പഠനങ്ങള്‍ പറയുന്നത്. ഒരുപക്ഷെ ഇക്കാര്യം ബ്ലാക്ക് കോഫി കുടിക്കുന്നവര്‍ക്ക് പോലും അറിയില്ല. എന്നും ഒരുകപ്പ് ബ്ലാക്ക് കോഫി കുടിച്ചാല്‍ അത് ശരീരഭാരം കുറയാന്‍ സഹായമാകുമെന്നാണ് വിദഗ്ധര്‍ പറയുന്നത്.
സ്ഥിരമായി ബ്ലാക്ക് കോഫി കുടിക്കുന്നത് രക്തസമ്മര്‍ദ്ദം വര്‍ധിപ്പിക്കും, പക്ഷേ എത്ര തവണ കുടിക്കുന്നു എന്നതിനെ അടിസ്ഥാനപ്പെടുത്തി ഇതിന് മാറ്റമുണ്ടാകാം. ദിവസവും ഒന്നോ രണ്ടോ കപ്പ് കാപ്പി കുടിക്കുന്നത് സ്ട്രോക്ക് അടക്കമുള്ള ഹൃദയസംബന്ധമായ അസുഖങ്ങള്‍ വരുന്നത് കുറയ്ക്കുമെന്നാണ് പഠനങ്ങള്‍ പറയുന്നത്.
ഓര്‍മ ശക്തി വര്‍ധിപ്പിക്കാന്‍ ഉത്തമമായ ഒരു പാനീയമാണ് ബ്ലാക്ക് കോഫി. ബ്ലാക്ക് കോഫിക്ക് തലച്ചോറിന്റെ പ്രവര്‍ത്തനങ്ങളെ കാര്യക്ഷമമാക്കാനുള്ള കഴിവുണ്ടെന്നാണ് പഠനങ്ങള്‍ പറയുന്നത്.
ബ്ലാക്ക് കോഫിയുടെ ഏറ്റവും പ്രധാനപ്പെട്ട ഗുണങ്ങളില്‍ ഒന്നാണ് കരളിന്റെ ആരോഗ്യം വര്‍ദ്ധിപ്പിക്കുമെന്നത്. ടെന്‍ഷന്‍, സ്ട്രെസ്, ഡിപ്രഷന്‍ തുടങ്ങിയ മാനസിക പ്രശ്നങ്ങളെ ചെറുക്കുന്നതിനും ബ്ലാക്ക് കോഫിക്ക് പ്രത്യേക കഴിവാണുള്ളത്.
കാപ്പിയിലടങ്ങിയിരിക്കുന്ന ആന്റി ഓക്സിഡന്റുകള് ഹൃദ്രോഗം, പ്രമേഹം പോലെയുള്ള പല രോഗങ്ങളെയും ചെറുക്കാന്‍ സഹായകമാണെന്നാണ് പഠനങ്ങള്‍ പറയുന്നത്.
